Свято ЛошАло лав
МАТФЕЁСТЫР
1 Э книга палэ Иисусоскиро Христососкиро джиипэн, Давидоскирэ чявэскиро,
Авраамоскирэ чявэскиро.
2 Авраамо исыс Исаакоскиро дад;
Исаако исыс Иаковоскиро дад;
Иаково исыс дад Иудаскэ и лэскирэ пшалэнгэ;
3 Иуда исыс Фаресоскиро и Зараскиро дад, лэнгири дай исыс Фамарь;
Фаресо исыс Есромоскиро дад;
Есромо исыс Арамоскиро дад;
4 Арамо исыс Аминадавоскиро дад;
Аминадаво исыс Наассоноскиро дад;
Наассоно исыс Салмоноскиро;
5 Салмоно исыс Воозоскиро дад, лэскири дай исыс Рахава;
Воозо исыс Овидоскиро дад, лэскири дай исыс Руфь;
Овидо исыс Иессеёскиро дад;
6 Иессеё исыс царёскирэ Давидоскиро дад;
Давидо исыс Саломоноскиро дад, лэскири дай исыс Урияcкири ромны;
7 Саломоно исыс Ровоамоскиро дад;
Ровоамо исыс Авияскиро дад;
Авия исыс Асаскиро дад;
8 Аса исыс Иосафатоскиро дад;
Иосафато исыс Иорамоскиро дад;
Иорамо исыс Озияскиро дад;
9 Озия исыс Иоафамоскиро дад;
Иоафамо исыс Ахазоскиро дад;
Ахазо исыс Езекияскиро дад;
10 Езекия исыс Манассияскиро дад;
Манассия исыс Амоноскиро дад;
Амоно исыс Иосияскиро дад;
11 Иосия исыс дад Иехонияскэ и лэскирэ пшалэнгэ ангил одова, сыр улыджинэ о
народо Израелё дро Вавилоно;
12 После дова, сыр улыджинэ о народо дро Вавилоно, Иехония исыс
Салафиилоскиро дад;
Салафиило исыс Зоровавелёскиро дад;
13 Зоровавелё исыс Авиудоскиро дад;
Авиудо исыс Елиакимоскиро дад;
Елиакимо исыс Азороскиро дад;
14 Азоро исыс Садокоскиро дад;
Садоко исыс Ахимоскиро дад;
Ахимо исыс Елиудоскиро дад;
15 Елиудо исыс Елеазароскиро дад;
Елеазаро исыс Матфаноскиро дад;
Матфано исыс Иаковоскиро дад;
16 Иаково исыс Иосифоскиро дад, кай исыс Мариякиро ром, савьятыр бияндыя
1 (адякэ жэ) Нэво Доракирибэн.Иисусо, накхардо Христосо.
17 Адякэ сарэ роды, кай исыс: Авраамостыр ко Давидо — дэшуштар роды,
Давидостыр ангил одова, сыр о народо исыс улыджино дро Вавилоно — дэшуштар
роды и одолэстыр, сыр о народо исыс улыджино дро Вавилоно кэ Христососкиро
бияндыпэн — дэшуштар роды.
18 А Иисусо Христосо бияндыя адякэ. Кэдэ Лэскири дай Мария исыс просватанно
палэ Иосифостэ, ангил одова, сыр тэ дживэл лэнгэ кхэтанэ, выгыя, со Ей пхари
святонэ духостыр. 19 Нэ Иосифо, Лакиро ром, исыс чячюно мануш и на камья тэ
кэрэл прэ Латэ ладжяипэн, ёв камья чёраханэс тэ отмэкэл Ла. 20 Нэ, кэдэ ёв
подуминдя пал дава, эна, Раскиро2
ангело дыяпэ лэскэ дро сунэ и пхэндя: «Иосифо,
Давидоскиро чяво, на дарпэ тэ прилэс Мария, тырэ ромня, пал дова со Ей пхари
святонэ духостыр. 21 Ей бияндэла чявэс, и ту дэса Лэскэ лав Иисусо3
, пал дова со
Ёв зракхэла пэскирэ манушэн лэнгирэ грэхэндыр». 22 А саро адава кэрдяпэ, соб тэ
исджялпэ одова, со исыс пхэндло Раса через припхэныбнарестэ4
, кай ракирэл: 23
«Дык, Чяёри, Савья инкэ на джиндя мурш, запхарьёла и бияндэла Чявэс, и дэна
Лэскэ лав Эммануило, одова исы «Амэнца Дэвэл».
24 Тэнчя Иосифо, кэдэ просутяпэ, кэрдя сыр напхэндя лэскэ Раскиро ангело, и
прилыя пэскирэ ромня кэ пэ.
25 И на джиндя Ла кэ дова, сыр Ей бияндя Пэскирэ первонэ Чявэс, и дыя Лэскэ лав
Иисусо.
2 Кэдэ Иисусо бияндыя дро Вифлеемо дрэ пхув Иудея, дро дывэса, кэдэ исыс царё
Иродо, эна, явнэ востокостыр дро Иерусалимо мануша, кай гинэнас пиро чергэня, 2
и ракирэн: «Катэ Иудеякиро Царё, Кай бияндыя? Амэ удыкхьям Лэскири чергэн про
востоко, и явьям тэ бандёвас Лэскэ». 3 Кэдэ ушундя адава царё Иродо, ёв дриван
заґэндындяпэ, и лэса саро Ирусалимо. 4 И скэдыя сарэ барыдырэ рашан5
и
лылваритконэн6
и лыя тэ роспучел лэндыр, кай должен тэ бияндёл о Христосо7
. 5 И
ёнэ пхэндлэ лэскэ: «Дро форо Вифлеемо дрэ пхув Иудея, пал дова со адякэ
начиндло через припхэныбнарестэ: 6 "И ту, Вифлеемо, дрэ пхув Иуда, ни соса на сан
о тыкныдыр машкиро княжества дрэ Иудея, пал дова со тутыр выджяла о Баро, Кай
лэла тэ ракхэл Миро народо, Израелё”».
7 Тэдэ Иродо покхардя чёраханэс манушэн, кай гинэн пиро чергэня, и выґалыя
лэндыр о времё, кэдэ сыкадёла чергэн 8 и бичядя лэн дро Вифлеемо, и пхэндя:
«Джян и розродэн Тыкнэ Масэс, а кэдэ латхэна, пхэнэн мангэ, соб и мэ тэ джяв и тэ
бандёвав Лэскэ». 9 Кэдэ ёнэ вышундлэ царёс, гынэ. И эна, чергэн, кай ёнэ дыкхнэ
2 Рай - Дэвлэскиро лав, саво сыкавэл, со Дэвлэстэ исы власть прэ саро, со Ёв кэрдя Пэскирэ
Святонэ Духоса. Дэвэл - Рай прэ саро свэто и манушэндэ.
3 Иисусо - прэ еврейско чиб Йешуа, ада учиндло лав - лавэстыр Йехошуа, саво значинэ:
Йехова - зракхибэн.
4 Припхэныбнарё (авторск.) - свято мануш, кай припхэнэл Дэвлэскирэ Духостыр, и ракирэл
Дэвлэскири воля манушэнгэ.
5 О барыдыр рашая - рашая, кай залэнас дрэ кхангири баро штэто.
6 Лылваритко (или Законоскиро сыклякирибнарё) - лылварэ мануша иудеенгирэ народостыр,
кай куч джинэнас Свята Чиныбэна, пиричинэнас лэн, соб тэ зракхэл и сыклякирнас дро
синагоги манушэн пало Законо и Напхэныбэна. Лэнгирэ мануша исыс сэндарьенца дро
Упрыдыр сэндо (Синедрионо).
7 Христосо - о титуло греческонэ чибатыр, саво пирилыджинэ лав дро лав еврейсконэ
чибатыр Машиах, со значинэ: Мессия; Помакхно.про востоко, джялас ангил лэндэ кэ одова,
сыр явья и тэрдыя про штэто, кай исыс о Чявро. 10 Кэдэ ёнэ удыкхнэ чергэн, зоралэс лошалынэ 11 и ёнэ загынэ дро кхэр и
удыкхнэ Чяврэс Марияса, Лэскирэ Даса, пынэ про чянга и бандинэ Лэскэ: тэнчя ёнэ
откэрдэ пэскирэ барвалыпэна и подлыджинэ Лэскэ о дыипэна: совнакай, о ладано и
кучкхандуно ксил8
. 12 И, кэдэ ёнэ удыкхнэ дро сунэ припхэныбэн Дэвлэстыр тэ
ракхэнпэ и тэ на рисён ко Иродо, ёнэ гынэ дрэ пэскири пхув ваврэ дромэса.
13 И сыр ёнэ угынэ, эна, Раскиро ангело дыяпэ Иосифоскэ дро сунэ и ракирэл:
«Ушты, лэ Чяврэс и Лэскирэ Да и наш дро Египто, и ачпэ одой кэ одова, сыр мэ
пхэнава тукэ, пал дова со Иродо скэдэлпэ тэ дэл прэ Чяврэстэ родыпэн, соб тэ
хаськирэл Лэс». 14 Ёв уштыя, лыя Чяврэс и Лэскирэ Да раты и угыя дро Египто. 15 И
ачеласпэ одой кэ Иродоскиро мэрибэн, соб тэ исджялпэ одова, со исыс пхэндло Раса
через припхэныбнарестэ, кай ракирэл: «Египтостыр Мэ выкхардём Мирэ Чявэс».
16 Тэдэ Иродо, кэдэ удыкхья, со мануша, кай гинэн пиро чергэня, хохадэ лэс, ёв
загыя дрэ барэ холя и бичядя манушэн, и напхэндя тэ умарэн сарэн чяврэн дро
Вифлеемо и дрэ сарэ лэскирэ штэты дуе бэршэндыр и тэрныдыр, пиро времё, кай ёв
выґалыя манушэндыр, кай гинэн пиро чергэня. 17 Тэдэ сгыяпэ одова, со исыс
пхэндло через припхэныбнарестэ Иеремиястэ, кай ракирэл: 18 «О годлы шундлэ дрэ
Рама и зоралэ надрискирдэ роибэна. Рахиль обровэл пэскирэ чяврэн и на камэл тэ
улэлпэ, пал дова со лэн бутыр нанэ».
19 Кэдэ жэ Иродо мыя, эна, Раскиро ангело дыяпэ Иосифоскэ дро сунэ дро Египто,
20 и ракирэл: «Ушты, лэ Чяврэс и Лэскирэ Да и джя дрэ пхув Израилё, пал дова со
одолэ, кай родэнас Чяврэскири душа, мынэ». 21 И ёв уштыя, лыя Чяврэс и Лэскирэ
Да и явья дрэ пхув Израилё. 22 Нэ, кэдэ ёв ушундя, со Архелаё правинэл дрэ Иудея
прэ пэскирэ дадэскиро Иродоскиро штэто, подарандыя одорик тэ джял: и лэскэ дро
сунэ Дэвэл напхэндя тэ на джял одорик и ёв гыя дро штэты дрэ пхув Галилея: 23 И
кэдэ ёв явья, ачьяпэ тэ дживэл дро форо, накхардо Назарето, соб тэ исджялпэ
одова, со исыс пхэндло через припхэныбнарьендэ: «Лэс накхарэна
Назаретяниноса».
3 Дрэ одолэ дывэса явэл Иоанно Болдарё9
тэ лыджял Дэвлытко лав дрэ Иудеякири
шукхи пхув10
, 2 и ракирэл: "Приґалён пэскирэ грэхи, пал дова со подъявья
Болыбнытко Царство”. 3 Ведь ада ёв, пал конэстэ пхэндя припхэныбнарё Исаия,
кай ракирэл: «Э глос одолэскири, кон годлэл дрэ шукхи пхув: "Кэрэн о дром
Яхваскэ11
, кэрэн Лэскирэ дрома прямонэнца”». 4 О Иоанно жэ носинэлас о шматы
верблюжонэ балэстыр и цыпытко кустык про бёдры; а лэскирэ хабнаса исыс э
саранчя и дико ягвин. 5 Тэдэ джянас кэ ёв Иерусалимо, и сари Иудея и сарэ штэты
8 Кучкхандуно ксил - э мирра/смирна (греческонэ чибатыр μύρρα).
9 Иоанно Болдарё (авторск.) - искэдыно Дэвлэса мануш, припхэныбнарё, кай лыджялас
Дэвлытко лав, прикхарэлас манушэн англыдыр тэ приґалён пэскирэ грэхи и тэдэ болэлас
лэн панеса прэ рэка Иордано, соб тэ явэн отмэкнэ лэнгирэ грэхи, адякэ соб мануша тэ явэн
готова тэ прилэн Иисусоскиро Лошало Лав пал Болыбнытко Царство.
10 Шукхи пхув - шукхэ, бипанескирэ штэты, дрэ савэндэ бут пяско и на барьён чярья.
(пустыня).
11 Яхва/Яхве (еврейсконэ чибатыр הוהי ЙХВХ) - Дэвлэскиро лав, саво Ёв (Дэвэл) пхэндя
Моисеёскэ, Пэскирэ искэдынэ припхэныбнарескэ, кэдэ о народо Израилё исыс улыджино
халадэнца дро Египто. Дрэ сарэ штэты, кай тэрдо Дэвлэскиро лав Яхва обычно прэ лэскиро
штэто тэрдо Рай или Дэвэл [Дрэ романо Нэво Завето Дэвлэскиро лав Яхва тэрдо дрэ одолэ
штэты, кай прилыджянпэ о цытаты Пуранэ Заветостыр]. пашо Иордано, 6 и болэнаспэ
лэстыр дрэ рэка Иордано, и приґалёнас пэскирэ грэхи. 7 Кэдэ жэ ёв удыкхья, со бут фарисеи12
и саддукеи13
явнэ кэ ёв тэ болэнпэ, пхэндя
лэнгэ: «Сапытка чявэ, кон чюдя тумэн прэ годы тэ нашэл холендыр, кай джяна прэ
тумэндэ? 8 Кэрэн о рэнды, соб тэ допхэнэн, со тумэ ачядэ тэ кэрэн о грэхи, кай тумэ
приґалынэ, 9 и на думинэн тэ ракирэн пэскэ: "Амаро дад - Авраамо”, пал дова со
ракирав тумэнгэ, со Дэвэл можынэл адалэ барэндыр тэ ґаздэл чявэн Авраамоскэ. 10
Ужэ и товэр пашло кэ брэзэнгирэ корни: всяко брэза, кай на яндэл лаче плоды,
счингирэн и чюрдэн дрэ яг. 11 Мэ болав тумэн панеса, пал дова со тумэ приґалынэ
пэскирэ грэхи, нэ Одова, Кон джял пал мандэ зоралыдыр мандыр, и мэ на молав тэ
лыджяв Лэскирэ ґэритка; Ёв лэла тэ болэл тумэн Святонэ Духоса и ягаса. 12 Дро вас
Лэстэ э лопата, савьяса веинэн о гив, и Ёв жужакирла пэскиро гумно14
и скэдэла
пэскиро гив дрэ штала вашо ракхибэн, а о пхус схачькирла дрэ яг, кай на мурдёла.
13 Тэдэ явэл Иисусо Галилеятыр про Иордано ко Иоанно тэ болэлпэ лэстыр. 14 Нэ
Иоанно тэрдякирлас Лэс и ракирдя: «Мангэ чебино тэ болавпэ Тутыр, а Ту явэс кэ
мэ?». 15 Нэ Иисусо пхэндя лэскэ дро ответо: «Мэ явэл акана адякэ, пал дова со
амэнгэ чебинэ тэ кэрас адя, соб тэ исджялпэ саро чячипэн». Тэдэ одова пириячья тэ
урикирэл Лэс. 16 И, кэдэ Иисусо болдяпэ, екхатыр жэ ґаздыяпэ панестыр: и, эна,
откэрдяпэ прэ Лэстэ болыбэн, и Иоанно удыкхья Дэвлэскиро Духо, Кай сджялас сыр
о голубё и змэкэласпэ прэ Лэстэ. 17 И эна, глос болыбнастыр пхэндя: «Ада Миро
камло Чяво, дрэ Савэстэ Миро радыма».
4 Тэдэ Иисусо исыс яндло духоса дрэ шукхи пхув, соб Бэнг тэ испытынэл Лэс. 2 И,
кэдэ постиндя саранда дывэс и саранда ратя, Ёв бокхалыя. 3 И явья о Налачё кэ Ёв
и пхэндя: «Если Ту сан Дэвлэскиро Чяво, пхэн, соб о бара тэ явэн марэса». 4 Ёв жэ
пхэндя дро ответо: «Начиндло: "Нанэ екхэ марэса дживэл мануш, нэ и кажнонэ
лавэса, кай выджял Яхваскирэ уштэндыр”».
5 Тэдэ Бэнг лэл Лэс дрэ свято форо, и чювэл Лэс прэ кхангирьякири крыша, 6 и
ракирэл Лэскэ: «Если Ту сан Дэвлэскиро Чяво, счюрдэпэ тэлэ, ведь начиндло: "Ёв
припхэнэла Пэскирэ ангелэнгэ пал Тутэ, и про васта полыджяна Тут, соб Ту тэ на
дэспэ Пэскирэ ґэрьяса про бар”». 7 О Ииcусо пхэндя лэскэ : «Адя жэ начиндло: "На
испытын Яхвас, Тырэ Дэвлэс”».
8 Палэ Бэнг лэл Лэс прэ дриван учи бэрга, и сыкавэл Лэскэ сарэ свэтоскирэ царства
и лэнгиро барипэн, 9 и ракирэл Лэскэ: «Саро адава мэ дава Тукэ, если пэрэса про
чянга и бандёса мангэ». 10 Тэдэ Иисусо пхэндя лэскэ: «Уджя Мандыр, Сатано15
!
Ведь начиндло: "Бандёв Яхваскэ, тырэ Дэвлэскэ, и Лэскэ екхэскэ служын”». 11 Тэдэ
12 Фарисеи (чибатыр иврит םי שורפ ם , перушим, прушим, со пирилыджялпэ: "одолэ, савэ
отгынэ”) - иудеи, кай пририкирнаспэ ко Свята Чиныбэна и Моисеёскирэ причиныбэна,
лэнгирэ мануша исыс сэндарьенца дро Упрыдыр сэндо (Синедрионо) и барыдырэ рашанца
дро синагоги.
13 Саддукеи (ивр. чиб םי קודצ ם , цадоким, накхардэ пиро лав Садоко - евр.чиб Цадоко, со
пирилыджялпэ «Ёв (Дэвэл) сыкадя Пэс чячюнэса») - иудеи, кай сарэ строгимаса
пририкирнаспэ ко Свята Чиныбэна и полэнас Моисеёскиро Законо лав дро лав, отпхэнэнаспэ
сарэ кхангиритконэ свэнкэндыр, кай на исыс причиндлэ дрэ Библия. Лэнгирэ мануша исыс
сэндарьенца дро Упрыдыр сэндо (Синедрионо).
14 Гумно - о штэто, кай вымарэн о зёрны гивэстыр.
15 Сатано (чибатыр иврит ן טש ן , сатан - «противнико») - Дэвлэскиро вэрго, кай слыджял
манушэн ко грэхо.Бэнг ачькирдя Лэс, и эна, о ангелы явнэ кэ Ёв и служынэнас Лэскэ.
12 Кэдэ жэ Иисусо ушундя, со Иоаннос чюдэ дро старибэн, дурия дрэ Галилея. 13 И,
сыр ачькирдя о Назарето, гыя и ачьяпэ тэ дживэл дро Капернаумо, кай тэрдо пашо
морё, дрэ Завулоноскири и Неффалимоскири пхув, 14 соб тэ исджялпэ одова, со
исыс пхэндло через припхэныбнарестэ Исаиястэ, кай ракирэл: 15 "Пхув
Завулоноскири и пхув Неффалимоскири, со про дром пашо морё, пало Иордано, на
иудеенгири Галилея!” 16 О мануша, кай исыс бэштэ дро тёмныма, удыкхнэ бари яг , и
прэ одолэндэ, кон исыс бэшто дрэ мэрибнаскири тень, засвятиндяпэ яг . 17 Одолэ
времёстыр Иисусо лыя тэ лыджял Дэвлытко лав и тэ ракирэл: «Приґалён пэскирэ
грэхи, пал дова со подъявья Болыбнытко Царство».
18 Кэдэ жэ Ёв проджялас мамуй Галилеякиро морё, удыкхья дуе пшалэн: Симонос,
накхардо Петроса, и Андреёс, лэскирэ пшалэс, кай зачюрдэнас о кхудя16
дро морё,
пал дова со ёнэ исыс рыбаки. 19 И Ёв ракирэл лэнгэ: «Явэн пал Мандэ, и Мэ кэрава
тумэндыр одолэн, кон лэла тэ ухтылэл манушэн17
». 20 И ёнэ екхатыр ачькирдэ о
кхудя и гынэ пал Лэстэ слядоса18
. 21 И одоцыр Ёв гыя дурыдыр и удыкхья авирэ дуе
пшалэн: Иаковос, Зеведеёскирэ чявэс, и Иоаннос, лэскирэ пшалэс, дрэ лодка
Заведеёса, лэнгирэ дадэса, кай подкэрнас пэскирэ порискирдэ кхудя, и Ёв покхардя
лэн. 22 И ёнэ екхатыр жэ ачькирдэ э лодка и пэскирэ дадэс и гынэ пал Лэстэ
слядоса.
23 И Иисусо гыя пир сари Галилея, сыклякирлас дрэ лэнгирэ синагоги19
, лыджялас
Лошало Лав пало Царство и састякирлас о насвалыпэна и о дукха, кай исыс
манушэндэ. 24 И о шуныбэн пал Лэстэ розгыяпэ пир сари Сирия, и яндэнас кэ Ёв
сарэ насвалэн, кай мэнчинэнаспэ насвалыпнэндыр и зоралэ дукхэндыр, одолэн,
савэн лынэ бэнга, и чёнытконэ насвалыпнаса20
, и одолэн, кон исыс розмардо про
васта и про ґэра21
, и Ёв састякирлас лэн.
25 И джянас пал Лэстэ слядоса дриван бут мануша Галилеятыр, Дэшэ Форьендыр,
Иерусалимостыр, Иудеятыр и авирэ Иорданоскирэ стронатыр.
5 И, кэдэ Ёв удыкхья бут манушэн, гыя прэ бэрга и сыр бэштя, подгынэ кэ Ёв
Лэскирэ сыклякирдэ22
, 2 И Ёв откэрдя пэскирэ ушта и лыя лэн тэ сыклякирэл, и
ракирдя:
3 Бахталэ чёрорэ23
духоса, пал дова со лэнгиро явэла Болыбнытко Царство.
4 Бахталэ одолэ, кон ровэл, пал дова со улэлапэ лэнгиро роибэн.
5 Бахталэ ковлэилытка, пал дова со лэнгэ рэсэлапэ пхув.
16 О кхудя (неологизмо, лыно балтийсконэ ромэнгирэ Библиятыр) - кхуденца ухтылэн мачен
(о сети).
17 (лав дро лав) «Манушэнгиро ухтылыбнарё»
18 «Гынэ пал Иисусостэ слядоса» - адай чебинэ тэ полэл сыр: ёнэ «ячнэ Иисусоскирэ
сыклякирдэнца».
19 Синагога (греческонэ чибатыр συναγωγή, «скэдыпэн»; иврейско чиб תסנכ תיב ת , бейт кнесет -
«скэдыпнаскиро кхэр». О кхэр, дрэ саво скэдэнаспэ евреи тэ гинэл Свята Чиныбэна, тэ
мангэлпэ Дэвлэскэ, тэ лыджял Дэвлытко лав и кэрнас сарэ авирэ причиныбэна
Моисеёскирэ Законостыр.
20 Чёнытко насвалыпэн - "лунатизмо”.
21 Розмардо про васта и про ґэра - "парализованно”.
22 О сыклякирдо (авторск.) - одова, кон сыклёл (ученико) или адякэ жэ одова, кон прилыя
конэскиро-либо сыклякирибэн, патябэн (ученико, последователё).
23 Чёрорэ духоса - одолэ, кон полэл со лэскирэ духоскэ чебинэ Дэвлэс.6 Бахталэ одолэ, кон бокхало и трушало24
ко Дэвлытко чячипэн, пал дова со ёнэ
чялёна.
7 Бахталэ одолэ, кон доринэл илэса, пал дова со и лэн подоринэна.
8 Бахталэ одолэ, кон жужо илэса, пал дова со ёнэ удыкхэна Дэвлэс.
9 Бахталэ одолэ, кон подрикирэл о миро, пал дова со ёнэ явэна накхардэ Дэвлэскирэ
чявэнца.
10 Бахталэ одолэ, конэс традэн пало Дэвлытко чячипэн, пал дова со лэнгиро явэла
Болыбнытко Царство.
11 Бахталэ тумэ, кэдэ мануша лэна тэ кошэн тумэн и тэ традэн тумэн и тэ ракирэн
прэ тумэндэ хоханэс саро фуипэн пал Мандэ. 12 Лошанпэ барэ лошаса, пал дова со
баро тумаро миштыпэн про болыбэн, ведь адя жэ традэнас и припхэныбнарьен, кай
исыс ангил тумэндэ.
13 Тумэ - пхувьякиро лонд. Нэ если о лонд нашавэла зор, то соса тэ кэрэл лэс
лондэса? Лэса ужэ ни со на кэрэса, ачелпэ жэ только тэ вычюрдэл лэс аври, кай
мануша ростасавэна лэс ґэрэнца.
14 Тумэ - яг свэтоскэ. О форо, кай тэрдо упрэ прэ бэрга, на можынэл тэ гарадёл. 15
Кэдэ захачькирна мамылы, чювэна ла нанэ тэлэ пири25
, а прэ тэлэмамылытко
чяроро26
, и ей святинэла сарэнгэ дро кхэр. 16 Адякэ мэ святинэлпэ тумари яг ангил
манушэндэ, соб ёнэ тэ дыкхэн тумарэ лаче рэнды и тэ славинэн тумарэ Дадэс, Кай
про болыбэн.
17 На думинэн, со Мэ явьём тэ укэдав о Законо или припхэныбнарьен. Нанэ тэ
укэдав Мэ явьём, нэ тэ кэрав адя, соб ёнэ тэ исджянпэ. 18 Чячипэн ракирав тумэнгэ:
пока на пропэрна болыбэн и пхув, на пропэрла дажэ ек э тыкныдыр буква или ек
буквакири чёрточка дро Законо ангил одова, сыр саро исджялапэ. 19 Адякэ одова,
кон отоджяла екхатыр адалэ тыкныдырэ Напхэныбнэндыр27
и сыклякирла одолэскэ
жэ манушэн, явэла накхардо о тыкныдыр дрэ Болыбнытко Царство; а одова, кон
кэрла адя, сыр напхэндя Дэвэл и сыклякирла манушэн, явэла накхардо баро дрэ
Болыбнытко Царство. 20 Пал дова со ракирав тумэнгэ, если тумаро джиипэн пир
Дэвлытко чячипэн на явэла фэдыр лылваритконэнгирэ и фарисеенгирэ джиипнастыр
пир Дэвлытко чячипэн, то тумэ на заджяна дрэ Болыбнытко Царство.
21 Тумэ шундлэ, со манушэнгэ дро пураныпэн исыс пхэндло: "На умар: одова жэ, кон
умарла, должен тэ джял тэло сэндо. 22 А Мэ ракирав тумэнгэ, со кажно, кон холясол
прэ пэскирэ пшалэстэ ивьятунэс, должен тэ джял тэло сэндо, кон жэ пхэнэла пэскирэ
пшалэскэ: "Дылыно!", должен тэ джял тэло Упрыдыр сэндо28
, а кон пхэнэла: "Ту
бигодякиро!" - должен тэ попэрэл дрэ ягалы геенна29
.
23 Если ту яндэса пэскиро дыипэн30
ко жертвеннико и одой срипирэса, со тыро пшал
24 Трушало (жаждущё) ко Дэвлытко чячипэн - родэл Дэвлытко чячипэн сыр о паны.
25 Соб тэ мучкирэл мамылы (о чяроро, дрэ савэстэ исыс начюдо оливково ксил), ла на
запхурдэнас, а учякирнас пирьяса.
26 Тэлэмамылытко чяроро (авторск.) - о чяроро, кай чювэлпэ тэлэ мамылы (подсвечнико).
27 Дэвлэскирэ Напхэныбэна - дэш Напхэныбэна, кай Дэвэл начиндя пэскирэ вастэса про бар
и дыя припхэныбнарескэ Моисеёскэ прэ бэрга Синаё, со дрэ шукхи пхув.
28 О Упрыдыр сэндо - Синедрионо (греческонэ чибатыр συνεδριον).
29 Геенна (чибатыр иврит םנהג ,םונהג Ге Хинном "Эномоскири маль”, греч. чиб Γέεννα) - о
штэто пало форо Иерусалимо, кай вычюрдэнас и схачкирнас сари блата и о мусоро
форостыр, мулэ животнонэн и казнякирдэ розмарибнарьенгирэ трупы, савэ на исыс мол, соб
лэн тэ гаравэн дро барунэ или рипирибнытка ґаныка.
30 О дыипэна - евреи яндэнас Дэвлэскэ, сыр доракирибэн машкир Дэвлэстэ и
Израилёскирэ дро холя прэ тутэ, 24 ачькир пэскиро дыипэн одой ангило жертвеннико, и джя
англыдыр помиринпэ пэскирэ пшалэса, а тэнчя рисёв и яндэ пэскиро дыипэн.
25 Миринпэ сыгыдыр одолэса, кон тут банькирэл, пока ту инкэ дро дром лэса, соб ёв
тэ на отдэл тут сэндарескэ, а сэндарё тэ на отдэл тут старибнытконэ раскэ, и тэ на
чюрдэн тут дро старибэн. 26 Чячипэн ракирав тукэ: ту на выджяса одоцыр, пока на
выплэскирэса саро кэ последнё ґасприн31
.
27 Тумэ шундлэ, со манушэнгэ дро пураныпэн исыс пхэндло: "Ромны на испарув
пэскирэ ромэскэ и ром на испарув пэскирэ ромнякэ". 28 А Мэ ракирав тумэнгэ, со
кажно, кон накуч дыкхэл прэ джювлятэ, ужэ испарудя ласа дрэ пэскиро ило. 29 Если
жэ тыри право як слыджял тут ко грэхо, вырискир ла и чюрдэ пэстыр, пал дова со
фэдыр ваш тукэ, если со-то ек тырэ телостыр хасёла, а нанэ саро тыро тело явэла
чюрдыно дрэ геена. 30 И если тыро право вас слыджял тут ко грэхо, отчингир лэс и
чюрдэ пэстыр, пал дова со фэдыр ваш тукэ, если со-то ек тырэ телостыр хасёла, а
нанэ саро тыро тело явэла чюрдыно дрэ геена.
31 Исыс пхэндло адя жэ: "Одова, кон розлыджялапэ пэскирэ ромняса, мэ дэл лакэ о
лыл ваш одова, соб тэ розлыджялпэ". 32 А Мэ ракирав тумэнгэ, со кажно, кон
розлыджялпэ пэскирэ ромняса кроме одова, со ей лэскэ испарудя, ачявэл ла, соб ей
тэ испарувэл лэскэ; и кажно, кон лэл пэскэ ромня, кай розлыджияпэ, испарувэл.
33 Инкэ тумэ шундлэ, со манушэнгэ дро пураныпэн исыс пхэндло: "На просовлаха
совэл, кай ту дыян, нэ кэр адя, сыр совлахадян ангил Растэ". 34 А Мэ ракирав
тумэнгэ: на совлаха сарэса: ни болыбнаса, пал дова со ёв Дэвлэскиро троно; 35 ни
пхувьяса, пал дова со прэ латэ тэрдэ Лэскирэ ґэра; ни Иерусалимоса, пал дова со ёв
Барэ Царёскиро форо; 36 ни пэскирэ шэрэса на совлаха, пал дова со ни ек бал на
можынэс тэ кэрэс парнэса или калэса. 37 Тумаро лав нэ - мэ явэл нэ, а нат - мэ
явэл нат, а со упрыдыр адалэстыр - ужэ Налачестыр.
38 Тумэ шундлэ, со исыс пхэндло: "Як палэ як и данд пало данд". 39 А Мэ ракирав
тумэнгэ: на кэр фуипэн одолэскэ, кон кэрдя фуипэн тукэ, нэ кон дэла тут пир тыри
право чям32
, порискир кэ ёв и явир. 40 И если кон-нибудь закамэла тэ сэндынэлпэ
туса и тэ лэл тыро гад, отдэ лэскэ и упратуно уриабэн. 41 И если кон-нибудь
зачювэла тут тэ проджял лэса ек вэрста33
, проджя лэса дуй. 42 Дэ одолэскэ, кон
мангэл тутыр, и на отрисёв одолэстыр, кон камэл тэ залэл тутыр.
43 Тумэ шундлэ, со исыс пхэндло: "Кам ближнёнэ манушэс и на кам пэскирэ вэргос".
44 А Мэ ракирав тумэнгэ: камэн тумарэн вэргэн и мангэнпэ Дэвлэскэ пал одолэндэ,
кон клининэл тумэн, кэрэн лачипэн одолэнгэ, кон на камэл тумэн, мангэнпэ пал
одолэндэ, кон кэрэл тумэнгэ фуипэн и традэл тумэн, 45 соб тумэнгэ тэ явэн тумарэ
Дадэскирэ чявэнца, Кай про болыбэн, пал дова со Ёв припхэнэл кхамэскэ тэ
святинэл прэ холямэндэ и прэ лачендэ и бичявэл брышынд прэ одолэндэ, кон кэрэл
лачипэн и одолэндэ, кон кэрэл фуипэн. 46 Ведь если тумэ камэн только одолэн, кон
камэл тумэн, саво тумэнгэ миштыпэн Дэвлэстыр? Нанэ одова жэ кэрэн налогэнгирэ
скэдыбнарья34
? 47 И если тумэ ракирэн: "Явэн бахталэ!", кэдэ дыкхэн пэскирэ
чявэндэ про вэки, соб ёнэ тэ рипирэн чячюнэ Дэвлэскиро лав и саро миштыпэн, кай Ёв
кэрдя пэскирэ искэдынэ народоскэ.
31 (лав дро лав) «кэ последнё кодранто» - тыкны ґасприн дрэ пурано Римо.
32 Чям (бистырдо романо лав) "Щёка”
33 (лав дро лав) римско миля - 1479.5 метры.
34 Налогэнгиро скэдыбнарё - одова, кон скэдэл о налоги.пшалэн, со адасаво кэрэн? Нанэ адя жэ кэрэн и мануша ваврэ пхувьендыр? Пал
дава явэн бидошакирэ35
, сыр бидошакиро тумаро Болыбнытко Дад.
6 Дыкхэн, на сыкавэн пэскиро патябэн ангил манушэндэ, соб тумэн тэ удыкхэн; или
тумэнгэ на явэла миштыпэн тумарэ Дадэстыр, Кай про болыбэн. 2 Адякэ, кэдэ подэс
чёрорэ манушэскэ, на пхутёв дрэ пэскирэ ушта36
, сыр кэрэн хоханэ мануша дрэ
синагоги и прэ гасы, соб тэ шарэн лэн мануша. Чячипэн ракирав тумэнгэ: ёнэ ужэ
лынэ саро пэскиро миштыпэн. 3 Тутэ жэ, кэдэ подэс чёрорэ манушэскэ, лево вас мэ
на джинэл, со кэрэл право, 4 соб одова, со ту подэс, тэ явэл чёрахано; и тэдэ тыро
Дад, Кай дыкхэл саро, со кэрэлпэ чёраханэс, дэла тукэ миштыпэн.
5 И, кэдэ мангэспэ, на яв сыр хоханэ мануша, кай камэн тэ мангэнпэ тэрдындой дрэ
синагоги и прэ барэ гасакирэ вэнглы, соб мануша тэ дыкхэн лэн. Чячипэн ракирав
тумэнгэ: ёнэ ужэ лынэ саро пэскиро миштыпэн. 6 Ту жэ, кэдэ мангэспэ, заджя дрэ
пэскири штуба и закэр о дара, и помангпэ тырэ Дадэскэ, Кай чёраханэс; и тэдэ тыро
Дад, Кай дыкхэл саро, со кэрэлпэ чёраханэс, дэла тукэ миштыпэн. 7 И кэдэ мангэнпэ,
на ракирэн бут молы ек и дова жэ, сыр мануша ваврэ пхувьендыр; пал дова со ёнэ
думинэн, со явэна ушундлэ пал лэнгирэ бут лава. 8 На явэн сыр ёнэ, пал дова со
тумаро Дад джинэл, дрэ со тумэндэ нужда, инкэ ангил одова, сыр тумэ помангэна
Лэстыр.
9 Пал дава мангэнпэ адякэ: "Дадо амаро, Саво сан про болыбэн, мэ святинэлпэ
Тыро лав. 10 Мэ явэл Тыро Царство. Мэ исджялпэ Тыри воля и прэ пхув, сыр про
болыбэн. 11 Дэ амэнгэ дадывэс о маро, кай чебинэ амэнгэ прэ адава дывэс, 12 и
простинэ амэнгэ амарэ длэнги, сыр и амэ простинас одолэнгэ, кон амэнгэ банго. 13
И на домэк, соб тэ слыджян амэн ко грэхо, нэ зарак э Налачестыр. Пал дова со исы
Тыро Царство и зор и слава про вэки. Аминь37
".
14 Пал дова со если тумэ лэна тэ простинэн манушэнгэ лэнгири банг, то и тумаро
Болыбнытко Дад простинэла тумэн, 15 а если тумэ на лэна тэ простинэн манушэнгэ
лэнгири банг, то и тумаро Дад на простинэла тумэнгэ тумари банг.
16 Адя жэ, кэдэ постинэнпэ, на кэрэн стырдыно муй, сыр хоханэ мануша, пал дова
со ёнэ скэрэн о муй, сыр-будто лэнгэ пхаро, соб мануша тэ дыкхэн, со ёнэ
постинэнпэ. Чячипэн ракирав тумэнгэ: ёнэ ужэ лынэ саро пэскиро миштыпэн. 17 Ту
жэ, кэдэ постинэспэ, помак пэскиро шэро и вымор пэскиро муй, 18 соб тэ сыкавэспэ,
со ту постинэспэ, нанэ ангил манушэндэ, нэ ангил тырэ Дадэстэ, Кай чёраханэс; и
тэдэ тыро Дад, Кай дыкхэл саро, со кэрэлпэ чёраханэс, дэла тукэ миштыпэн.
19 На скэдэн пэскэ барвалыпэн прэ пхув, кай э моль и э ржавчина исхан и кай о чёра
прокэдэнпэ и чёрэн. 20 А скэдэн пэскэ барвалыпэн про болыбэн, кай ни э моль, ни э
ржавчина на исхан и кай о чёра на прокэдэнпэ и на чёрэн. 21 Ведь кай тумаро
барвалыпэн, одой явэла и тумаро ило.
22 О свэто вашо тело - як. Адякэ, если тыри як жужы, то саро тыро тело явэла
святло; 23 нэ если жэ тыри як холямы, то саро тыро тело явэла тёмно. Адякэ, если
жэ свэто, кай дрэ тутэ, - тёмныма, то саво жэ баро адава тёмныма!
24 Ни кон на можынэл тэ служынэл дуе хулангэ: пал дова со или екхэс лэла тэ
камэл, а авирэс тэ на камэл; или явэла чячюно кэ ек, а авирэса на лэла тэ гинэлпэ.
Тумэ на можынэн тэ служынэн Дэвлэскэ и Барвалыпнаскэ38
.
35 Бидошакиро - лавэстыр дош "пороко, недостатко”; бигрэхоскиро.
36 (лав дро лав) «На пхурдэ дрэ труба ангил пэстэ».
37 Аминь - пураны греч. чиб. Ἀμήν, чибатыр иврит ןמא "чячё, тэ явэл адякэ”.
38 (лав дро лав) «Маммона» адава лав явья дрэ Библия через греческо
чиб μαμμωνάς - 25 Пал адава ракирав тумэнгэ: на пиридживэн пал пэскиро джиипэн, со тумэнгэ тэ
хал, или со тэ пьел, и пал тумарэ телы, дрэ со тэ урьелпэ. Неужто джиипэн нанэ
дрогыдыр хабнастыр, а о тело - уриабнастыр? 26 Сдыкхэн прэ болыбнытконэ
чириклендэ: ёнэ на сеинэн, на счинэн гив39
, на скэдэн счиндло гив дро шталы вашо
ракхибэн; и тумаро Болыбнытко Дад чяравэл лэн. Неужто тумэ на сан прэ бут
дрогыдыр лэндыр? 27 И кон тумэндыр, кэдэ пиридживэл, можынэл тэ кэрэл
длэнгыдыр пэскиро джиипэн хоть прэ кунь? 28 И пало уриабэн палсо пиридживэн?
Подыкхэн прэ фэлдытка лилии, сыр ёнэ барьён: ёнэ на кэрэн пхари буты и на кхувэн
о тхава, 29 нэ ракирав тумэнгэ, со дажэ Соломоно, дрэ саро пэскиро барвалыпэн, на
урьеласпэ адя, сыр любо лэндыр. 30 Если жэ Дэвэл адя урьявэл фэлдытка чярья,
кай дадывэс исы, а атася явэна чюрдынэ дро бов, то неужто Ёв прэ бут фэдыр на
урьявэла тумэн, савэндэ набут патябэн? 31 Пал адава ни кэдэ на пиридживэн и на
ракирэн: "Со амэнгэ тэ хас?”, или "Со тэ пьяс?”, или "Дрэ со тэ урьяспэ?”. 32 Ведь
саро адава родэн мануша ваврэ пхувьендыр. Нэ тумаро Болыбнытко Дад джинэл, со
тумэндэ исы нужда дрэ саро адава.
33 Нэ родэн англыдыр Дэвлэскиро Царство и Лэскиро чячипэн, и саро адава явэла
дыно тумэнгэ. Адякэ, на пиридживэн пал атасятуно дывэс, пал дова со атася явэла
пал со тэ пиридживэл. Ухтылла ваш кажно дывэс пэскиро пхарипэн.
7 На сэндякирэн, соб тэ на явэн сэндякирдэ, 2 ведь савэ сэндоса тумэ сэндякирэн,
адасавэса лэна тэ сэндякирэн и тумэн, и савэ мераса тумэ меринэн, адасавьяса
отмеринэна и тумэнгэ. 3 И соскэ ту дыкхэс про пхусоро дрэ тырэ пшалэскири як, а о
брёвно дрэ пэскири як на дыкхэс? 4 Или сыр ту можынэс тэ ракирэс тырэ пшалэскэ:
"Дэ мэ вытырдава о пхусоро тырэ якхатыр, а, дык, тутэ кокорэстэ дрэ як о брёвно?” 5
Хохано! Вытырдэ англыдыр о брёвно пэскирэ якхатыр, и тэдэ куч удыкхэса, сыр тэ
вытырдэл о пхусоро тырэ пшалэскирэ якхатыр.
6 На дэн одова, со свято40
джюклэнгэ и на чюрдэн тумаро жемчуго ангил
балычендэ41
, соб ёнэ тэ на ростасавэн лэс пэскирэ ґэрэнца, а тэнчя тэ на порисён и
тэ на розрискирэн тумэн.
7 Мангэн — и тумэнгэ явэла дыно; родэн — и тумэ латхэна; марэн дро дара — и
тумэнгэ откэрна, 8 пал дова со кажно, кон мангэл, лэла, кон родэл, латхэла и
одолэскэ, кон марэлпэ дро дара, откэрна. 9 Исы машкир тумэндэ мануш, кай, если
лэскиро чяво помангэла лэстыр о маро, дэлас бы лэскэ о бар? 10 И кэдэ помангэла
мачё, дэлас ба лэскэ сапэс? 11 Адякэ, если тумэ сан холямэ мануша, нэ джинэн, сыр
тэ кэрэл пэскирэ чявэнгэ лачипэн, то одолэса бутыр тумаро Дад, Кай про болыбэн,
дэла лачипэн одолэнгэ, кон Лэстыр мангэл!
12 Адякэ саро одова, со тумэ камэн, соб мануша тэ кэрэн тумэнгэ, адя кэрэн и тумэ
лэнгэ, пал дова со дрэ адава о Законо и Припхэныбнарья.
13 Заджян через вэнзка ворота, пал дова со буґлэ ворота и буґло дром, кай лыджял
ко хасибэн, и бут джян лэнца; 14 тэдэ сыр вэнзка ворота и вэнзко дром, кай лыджял
ко джиипэн, и набут латхэн лэн.
15 Ракхэнпэ хоханэ припхэныбнарьендыр, кай явэна кэ тумэ дрэ бакраны цыпа, нэ
андрэ ёнэ — холямэ рува. 16 Тумэ ґалёна лэн пир лэнгирэ плоды. Разве
арамейсконэ чибатыр мамона "барвалыпэн; миштыпэн”.
39 Гив (бистырдо романо лав) - "рожь; (адя жэ) пшеница”.
40 Одова, со свято - ада исыс мас, кай яндэнас Дэвлэскэ сыр о дыипэн.
41 Джюкэла и балыче гинэнаспэ палэ нажужэ животнонэндэ; адякэ евреи накхарэнас
манушэн ваврэ пхувьендыр.пусаибнытконэ чярьендыр скэдэна о виноградо или э
чертополохостыр о инжиро? 17
Адякэ всяко лачи брэза яндэл лаче плоды, а кырны брэза яндэл налаче плоды. 18
Лачи брэза на можынэл тэ яндэл налаче плоды, а кырны брэза на можынэл тэ яндэл
лаче плоды. 19 Всяко брэза, кай на яндэл лаче плоды, счингирэн и чюрдэн дрэ яг. 20
Адякэ, пир лэнгирэ плоды ґалёна лэн.
21 Нанэ кажно, кон ракирэл Мангэ: "Рай42
! Рай!”, заджяла дрэ Болыбнытко Царство,
а одова, кон кэрэл адя, соб тэ исджялпэ Мирэ Дадэскири воля, Кай про болыбэн. 22
Бут кон пхэнэла Мангэ дрэ одова дывэс: "Рай! Рай! разве нанэ Тырэ лавэстыр амэ
припхэнасас, разве нанэ Тырэ лавэстыр амэ истрадасас бэнгэн и разве нанэ Тырэ
лавэстыр амэ кэрасас бут дивна рэнды?” 23 И тэдэ Мэ пхэнава лэнгэ: "Мэ ни кэдэ на
джиндём тумэн! Отоджян Мандыр одолэ, кон кэрэл фуипэн”.
24 Пал дава кажно, кон шунэл адалэ Мирэ лава и кандэл лэн, подджял прэ годьварэ
манушэстэ, кай чюдя пэскиро кхэр про бар; 25 и гыя брышынд, и ґаздынэпэ о паня, и
запхурдынэ о балваля, и пынэ прэ одова кхэр, ёв жэ на пыя; пал дова со ёв исыс
чюдо про бар. 26 А кажно, кон шунэл адалэ Мирэ лава и на кандэл лэн, поджял прэ
дылынэ манушэстэ, кай чюдя пэскиро кхэр про пяско; 27 и гыя брышынд, и
ґаздынэпэ о паня, и запхурдынэ о балваля и пынэ прэ одова кхэр, и ёв пыя, и сарэса
роспхадия43
.
28 И кэдэ Иисусо пириячья тэ ракирэл адалэ лава, мануша зоралэс удивиндлэпэ
одолэскэ, соскэ Ёв сыклякирдя, 29 пал дова со Ёв сыклякирдя лэн сыр одова,
конэстэ исы власть, а нанэ сыр лэнгирэ лылваритка.
8 Кэдэ Ёв змэкьяпэ бэргатыр, пал Лэстэ слядоса гыя дриван бут мануша. 2 И эна
подгыя ек гэрало44
, и бандия Лэскэ и пхэндя: «Рай, если Ту камэс, Ту сможынэса ман
тэ жужакирэс». 3 И Иисусо протырдыя о вас, чиладя лэс и пхэндя: «Камам. Яв
жужо». И одова екхатыр жэ ячья жужо гэрэндыр. 4 И Иисусо пхэндя лэскэ: «Дык, ни
конэскэ на ракир пал адава, нэ джя, сыкавпэ рашаскэ и яндэ о дыипэн, кай напхэндя
Моисеё, соб ёнэ тэ дыкхэн пэскирэ якхэнца». 5 Кэдэ жэ Иисусо явья дро
Капернаумо, кэ Ёв подгыя ек шэлэнгиро баро рай45
и лыя тэ мангэл лэс, 6 и ракирдя:
«Рай, миро писхарё пашло дро кхэр розмардо про васта и про ґэра, и дриван
мэнчинэлпэ дукхэндыр». 7 О Иисусо пхэндя лэскэ: «Мэ явава и высастякирава лэс».
8 Нэ шэлэнгиро баро рай пхэндя дро ответо: «Рай, мэ на сом мол, соб Ту тэ заджяс
тэл мири крыша, нэ пхэн только лав, и миро писхарё высастёла. 9 Ведь и мэ сом
мануш, прэ конэстэ исы о барыдыр рай, и мэ кокоро сом рай прэ халадэндэ, Мэ
ракирав екхэскэ: "Джя!” - и ёв джял; и авирэскэ "Яв!” - и одова явэл, адя жэ и мирэ
писхарёскэ: "Кэр адава!” - и ёв кэрэл». 10 Кэдэ Иисусо ушундя адава , Ёв удивиндяпэ
и пхэндя одолэнгэ, кон джялас пал Лэстэ слядоса: "Чячипэн ракирав тумэнгэ: ни
конэстэ дро Израилё Мэ на латхьём адасаво зорало патябэн. 11 Нэ ракирав тумэнгэ,
со бут кон явэла ригэндыр, кай выджял и заджял о кхам46
, и бэшэна Авраамоса,
Исаакоса и Иаковоса дрэ Болыбнытко Царство; 12 а Царствоскирэ чявэ явэна
42 Рай - дро пураныпэн про востоко адава лав ракирдэ патывалэ пхурэнгэ, барвалэ
манушэнгэ или одолэнгэ, конэстэ исыс власть. Адякэ жэ накхарэнас Иисусос, соб тэ
сыкавэл Лэскэ пэскири бари патыв.
43 (лав дро лав) «И баро исыс лэскиро пхагирибэн».
44 (адай) прокажённо; проказа - ада пхаро цыпытко насвалыпэн, кэдэ мануш саро лэлпэ
гэрэнца.
45Шэлэнгиро баро рай - дрэ пурано Римо рай прэ шэлэ халадэндэ.
46 (адай) востокостыр и западостыр.вычюрдынэ аври дро калыпэн: одой ёнэ лэна тэ ровэн и тэ счинэн о данда”. 13 И
Иисусо пхэндя шэлэнгирэ барэ раскэ: «Джя. Мэ явэл пир тыро патябэн». И лэскиро
писхарё дрэ одоя жэ кунь высастыя.
14 И кэдэ Иисусо явья дрэ Пётроскиро кхэр, удыкхья, со лэскири сасуй пашлы дрэ
издраны. 15 и Ёв чиладя лакиро вас, и издраны латэ прогыя; и ей уштыя и
прислужынэлас лэнгэ. 16 А кэдэ наячья бывэль, кэ Ёв яндлэ бут одолэн, савэн лынэ
бэнга, и Ёв истрадыя духэн лавэса и высастякирдя сарэн, кон исыс насвало, 17 соб
тэ исджялпэ одова, со исыс пхэндло через припхэныбнарестэ Исаиястэ, кай ракирэл:
«Ёв лыя прэ Пэстэ амарэ насвалыпэна и полыджия амарэ дукха».
18 Кэдэ Иисусо удыкхья бут манушэн, кай Лэс обкрэнцакирдэ, напхэндя тэ
отплывинэл прэ вавир строна. 19 И ек лылваритко подгыя и пхэндя Лэскэ:
«Сыклякирибнарё, мэ джява пал Тутэ слядоса, карик Ту тэ на джяс». 20 Нэ Иисусо
пхэндя лэскэ: «Ко лисы исы о рандля47
, и кэ болыбнытка чирикля - о гнязды, нэ
Манушытконэ Чявэскэ нанэ кай тэ причювэл о шэро». 21 Вавир жэ Лэскирэ
сыклякирдэндыр пхэндя Лэскэ: «Рай, мэк мэ англыдыр джява и гаравава мирэ
дадэс». 22 Нэ Иисусо пхэндя лэскэ: «Джя пал Мандэ слядоса и о мулэ мэ гаравэн
пэскирэ мулэн».
23 И кэдэ Ёв бэштя дрэ лодка, Лэскирэ сыклякирдэ гынэ пал Лэстэ слядоса. 24 И,
эна, ґаздынэпэ барэ балваля про морё, адя со э лодка лыя тэ учякирэлпэ волнэнца;
а Ёв исыс суто. 25 Тэдэ Лэскирэ сыклякирдэ подгынэ кэ Ёв, джингадэ Лэс, и пхэндлэ:
«Рай, зрак амэн, хасёвас!» 26 Нэ Ёв пхэндя лэнгэ: «Соскэ тумэ адасавэ даранкунэ?
Тумэндэ набут патябэн!» Тэнчя Ёв уштыя и улыя о балваля и о морё; и саро
заштылыя. 27 Манушэнгэ жэ кэрдяпэ сдиво и ёнэ ракирдэ: «Кон адава мануш, со
дажэ балваля и о морё кандэн Лэс?»
28 И кэдэ Ёв явья прэ вавир брэго, дрэ Гергесэнгири пхув, кэ Ёв рипирибнытконэ
ґаныкэндыр48
выгынэ дуй мануша, савэн лынэ бэнга, прэ даскицык холямэ, со сарэ
даранаспэ тэ проджян одолэ дромэса. 29 И, эна, ёнэ загвалтындлэ: «Со Тукэ кэ ямэ,
Иисусо, Дэвлэскиро Чяво?» Ту явьян адарик тэ мэнчинэс амэн англыдыр времёстыр?
30 А дро дурипэн лэндыр ракхэласпэ баро стадо балыче. 31 Тэдэ о бэнга лынэ тэ
умангэн Лэс и ракирдэ: «Если истрадэса амэн, то бичяв амэн дро стадо балыче». 32
И Ёв пхэндя лэнгэ: «Джян!» И кэдэ ёнэ выгынэ, загынэ дрэ балычендэ; и, эна, саро
стадо балыче чюрдыяпэ крэнтонэ бэргатыр дро морё и тасадыя дро паны. 33 А
лэнгирэ ракхибнарья49
унашнэ и, кэдэ явнэ дро форо, роспхэндлэ пал саро, и пал
дова, со кэрдяпэ манушэнца, савэн лынэ бэнга. 34 И, эна, саро форо выгыя про
дром ко Иисусо; и кэдэ ёнэ удыкхнэ Лэс, манглэ Лэс, соб Ёв тэ уджял лэнгирэ
пхувьятыр.
9 Тэдэ Ёв бэштя дрэ лодка, пирикэдыяпэ прэ вавир строна и явья дрэ Пэскиро
форо. 2 И, эна, ёнэ яндлэ кэ Ёв манушэс розмардэс про васта и про ґэра, кай исыс
пашло прэ пасиндлы. И Иисусо, кэдэ дыкхья лэнгиро патябэн, пхэндя насвалэскэ:
«На дарпэ, Миро чяво, простинэнпэ тукэ тырэ грэхи». 3 И эна, савэ-то лылваритка
пхэндлэ дрэ пэстэ: «Ёв чювэл пэс прэ Дэвлэскиро штэто». 4 О Иисусо жэ джиндя со
исыс лэндэ прэ годы и пхэндя: «Соскэ тумэ думинэн фуипэн пал Мандэ дрэ пэскирэ
47 О рандля (авторск.) - "о норы”.
48 Рипирибнытко ґанык (дык: баруны ґанык)
49 Ракхибнарё (пастарё) - мануш, кай ракхэл бакрэн, грэн и адякэ дурыдыр прэ фэлда
(пастухо).илэ? 5 Со жэ локхыдыр, тэ пхэнэл: "Простинэнпэ тырэ грэхи, или тэ пхэнэл: "Ушты и
джя?” 6 "Нэ, соб тумэ тэ джинэн, со Манушытконэ Чявэстэ исы власть прэ пхув тэ
простинэл о грэхи”», - тэдэ Ёв ракирэл насвалэскэ: «Ушты, лэ пэскири пасиндлы и
джя кхэрэ». 7 И ёв уштыя и гыя кхэрэ. 8 Кэдэ жэ мануша удыкхнэ адава, лэн лыя
дар, и ёнэ лынэ тэ славинэн Дэвлэс, Кай дыя манушэнгэ адасави власть.
9 И кэдэ Иисусо гыя одоцыр, Ёв удыкхья манушэс, кай исыс бэшто дрэ налогово
балуны, пиро лав Матфеё, и пхэндя лэскэ: «Джя пал Мандэ слядоса». И ёв уштыя и
гыя пал Лэстэ слядоса. 10 И кэдэ Иисусо исыс бэшто пало скаминд дро кхэр, эна,
явнэ бут налогэнгирэ скэдыбнарья и одолэ, кон кэрлас о грэхи и бэшнэ Лэса и
Лэскирэ сыклякирдэнца. 11 Нэ кэдэ удыкхнэ адава фарисеи, лынэ тэ ракирэн
Лэскирэ сыклякирдэнгэ: «Соскэ тумаро Сыклякирибнарё хал одолэнц var container = document.getElementById('nativeroll_video_cont'); if (container) { var parent = container.parentElement; if (parent) { const wrapper = document.createElement('div'); wrapper.classList.add('js-teasers-wrapper'); parent.insertBefore(wrapper, container.nextSibling); } }
МАТФЕЁСТЫР
1 Э книга палэ Иисусоскиро Христососкиро джиипэн, Давидоскирэ чявэскиро,
Авраамоскирэ чявэскиро.
2 Авраамо исыс Исаакоскиро дад;
Исаако исыс Иаковоскиро дад;
Иаково исыс дад Иудаскэ и лэскирэ пшалэнгэ;
3 Иуда исыс Фаресоскиро и Зараскиро дад, лэнгири дай исыс Фамарь;
Фаресо исыс Есромоскиро дад;
Есромо исыс Арамоскиро дад;
4 Арамо исыс Аминадавоскиро дад;
Аминадаво исыс Наассоноскиро дад;
Наассоно исыс Салмоноскиро;
5 Салмоно исыс Воозоскиро дад, лэскири дай исыс Рахава;
Воозо исыс Овидоскиро дад, лэскири дай исыс Руфь;
Овидо исыс Иессеёскиро дад;
6 Иессеё исыс царёскирэ Давидоскиро дад;
Давидо исыс Саломоноскиро дад, лэскири дай исыс Урияcкири ромны;
7 Саломоно исыс Ровоамоскиро дад;
Ровоамо исыс Авияскиро дад;
Авия исыс Асаскиро дад;
8 Аса исыс Иосафатоскиро дад;
Иосафато исыс Иорамоскиро дад;
Иорамо исыс Озияскиро дад;
9 Озия исыс Иоафамоскиро дад;
Иоафамо исыс Ахазоскиро дад;
Ахазо исыс Езекияскиро дад;
10 Езекия исыс Манассияскиро дад;
Манассия исыс Амоноскиро дад;
Амоно исыс Иосияскиро дад;
11 Иосия исыс дад Иехонияскэ и лэскирэ пшалэнгэ ангил одова, сыр улыджинэ о
народо Израелё дро Вавилоно;
12 После дова, сыр улыджинэ о народо дро Вавилоно, Иехония исыс
Салафиилоскиро дад;
Салафиило исыс Зоровавелёскиро дад;
13 Зоровавелё исыс Авиудоскиро дад;
Авиудо исыс Елиакимоскиро дад;
Елиакимо исыс Азороскиро дад;
14 Азоро исыс Садокоскиро дад;
Садоко исыс Ахимоскиро дад;
Ахимо исыс Елиудоскиро дад;
15 Елиудо исыс Елеазароскиро дад;
Елеазаро исыс Матфаноскиро дад;
Матфано исыс Иаковоскиро дад;
16 Иаково исыс Иосифоскиро дад, кай исыс Мариякиро ром, савьятыр бияндыя
1 (адякэ жэ) Нэво Доракирибэн.Иисусо, накхардо Христосо.
17 Адякэ сарэ роды, кай исыс: Авраамостыр ко Давидо — дэшуштар роды,
Давидостыр ангил одова, сыр о народо исыс улыджино дро Вавилоно — дэшуштар
роды и одолэстыр, сыр о народо исыс улыджино дро Вавилоно кэ Христососкиро
бияндыпэн — дэшуштар роды.
18 А Иисусо Христосо бияндыя адякэ. Кэдэ Лэскири дай Мария исыс просватанно
палэ Иосифостэ, ангил одова, сыр тэ дживэл лэнгэ кхэтанэ, выгыя, со Ей пхари
святонэ духостыр. 19 Нэ Иосифо, Лакиро ром, исыс чячюно мануш и на камья тэ
кэрэл прэ Латэ ладжяипэн, ёв камья чёраханэс тэ отмэкэл Ла. 20 Нэ, кэдэ ёв
подуминдя пал дава, эна, Раскиро2
ангело дыяпэ лэскэ дро сунэ и пхэндя: «Иосифо,
Давидоскиро чяво, на дарпэ тэ прилэс Мария, тырэ ромня, пал дова со Ей пхари
святонэ духостыр. 21 Ей бияндэла чявэс, и ту дэса Лэскэ лав Иисусо3
, пал дова со
Ёв зракхэла пэскирэ манушэн лэнгирэ грэхэндыр». 22 А саро адава кэрдяпэ, соб тэ
исджялпэ одова, со исыс пхэндло Раса через припхэныбнарестэ4
, кай ракирэл: 23
«Дык, Чяёри, Савья инкэ на джиндя мурш, запхарьёла и бияндэла Чявэс, и дэна
Лэскэ лав Эммануило, одова исы «Амэнца Дэвэл».
24 Тэнчя Иосифо, кэдэ просутяпэ, кэрдя сыр напхэндя лэскэ Раскиро ангело, и
прилыя пэскирэ ромня кэ пэ.
25 И на джиндя Ла кэ дова, сыр Ей бияндя Пэскирэ первонэ Чявэс, и дыя Лэскэ лав
Иисусо.
2 Кэдэ Иисусо бияндыя дро Вифлеемо дрэ пхув Иудея, дро дывэса, кэдэ исыс царё
Иродо, эна, явнэ востокостыр дро Иерусалимо мануша, кай гинэнас пиро чергэня, 2
и ракирэн: «Катэ Иудеякиро Царё, Кай бияндыя? Амэ удыкхьям Лэскири чергэн про
востоко, и явьям тэ бандёвас Лэскэ». 3 Кэдэ ушундя адава царё Иродо, ёв дриван
заґэндындяпэ, и лэса саро Ирусалимо. 4 И скэдыя сарэ барыдырэ рашан5
и
лылваритконэн6
и лыя тэ роспучел лэндыр, кай должен тэ бияндёл о Христосо7
. 5 И
ёнэ пхэндлэ лэскэ: «Дро форо Вифлеемо дрэ пхув Иудея, пал дова со адякэ
начиндло через припхэныбнарестэ: 6 "И ту, Вифлеемо, дрэ пхув Иуда, ни соса на сан
о тыкныдыр машкиро княжества дрэ Иудея, пал дова со тутыр выджяла о Баро, Кай
лэла тэ ракхэл Миро народо, Израелё”».
7 Тэдэ Иродо покхардя чёраханэс манушэн, кай гинэн пиро чергэня, и выґалыя
лэндыр о времё, кэдэ сыкадёла чергэн 8 и бичядя лэн дро Вифлеемо, и пхэндя:
«Джян и розродэн Тыкнэ Масэс, а кэдэ латхэна, пхэнэн мангэ, соб и мэ тэ джяв и тэ
бандёвав Лэскэ». 9 Кэдэ ёнэ вышундлэ царёс, гынэ. И эна, чергэн, кай ёнэ дыкхнэ
2 Рай - Дэвлэскиро лав, саво сыкавэл, со Дэвлэстэ исы власть прэ саро, со Ёв кэрдя Пэскирэ
Святонэ Духоса. Дэвэл - Рай прэ саро свэто и манушэндэ.
3 Иисусо - прэ еврейско чиб Йешуа, ада учиндло лав - лавэстыр Йехошуа, саво значинэ:
Йехова - зракхибэн.
4 Припхэныбнарё (авторск.) - свято мануш, кай припхэнэл Дэвлэскирэ Духостыр, и ракирэл
Дэвлэскири воля манушэнгэ.
5 О барыдыр рашая - рашая, кай залэнас дрэ кхангири баро штэто.
6 Лылваритко (или Законоскиро сыклякирибнарё) - лылварэ мануша иудеенгирэ народостыр,
кай куч джинэнас Свята Чиныбэна, пиричинэнас лэн, соб тэ зракхэл и сыклякирнас дро
синагоги манушэн пало Законо и Напхэныбэна. Лэнгирэ мануша исыс сэндарьенца дро
Упрыдыр сэндо (Синедрионо).
7 Христосо - о титуло греческонэ чибатыр, саво пирилыджинэ лав дро лав еврейсконэ
чибатыр Машиах, со значинэ: Мессия; Помакхно.про востоко, джялас ангил лэндэ кэ одова,
сыр явья и тэрдыя про штэто, кай исыс о Чявро. 10 Кэдэ ёнэ удыкхнэ чергэн, зоралэс лошалынэ 11 и ёнэ загынэ дро кхэр и
удыкхнэ Чяврэс Марияса, Лэскирэ Даса, пынэ про чянга и бандинэ Лэскэ: тэнчя ёнэ
откэрдэ пэскирэ барвалыпэна и подлыджинэ Лэскэ о дыипэна: совнакай, о ладано и
кучкхандуно ксил8
. 12 И, кэдэ ёнэ удыкхнэ дро сунэ припхэныбэн Дэвлэстыр тэ
ракхэнпэ и тэ на рисён ко Иродо, ёнэ гынэ дрэ пэскири пхув ваврэ дромэса.
13 И сыр ёнэ угынэ, эна, Раскиро ангело дыяпэ Иосифоскэ дро сунэ и ракирэл:
«Ушты, лэ Чяврэс и Лэскирэ Да и наш дро Египто, и ачпэ одой кэ одова, сыр мэ
пхэнава тукэ, пал дова со Иродо скэдэлпэ тэ дэл прэ Чяврэстэ родыпэн, соб тэ
хаськирэл Лэс». 14 Ёв уштыя, лыя Чяврэс и Лэскирэ Да раты и угыя дро Египто. 15 И
ачеласпэ одой кэ Иродоскиро мэрибэн, соб тэ исджялпэ одова, со исыс пхэндло Раса
через припхэныбнарестэ, кай ракирэл: «Египтостыр Мэ выкхардём Мирэ Чявэс».
16 Тэдэ Иродо, кэдэ удыкхья, со мануша, кай гинэн пиро чергэня, хохадэ лэс, ёв
загыя дрэ барэ холя и бичядя манушэн, и напхэндя тэ умарэн сарэн чяврэн дро
Вифлеемо и дрэ сарэ лэскирэ штэты дуе бэршэндыр и тэрныдыр, пиро времё, кай ёв
выґалыя манушэндыр, кай гинэн пиро чергэня. 17 Тэдэ сгыяпэ одова, со исыс
пхэндло через припхэныбнарестэ Иеремиястэ, кай ракирэл: 18 «О годлы шундлэ дрэ
Рама и зоралэ надрискирдэ роибэна. Рахиль обровэл пэскирэ чяврэн и на камэл тэ
улэлпэ, пал дова со лэн бутыр нанэ».
19 Кэдэ жэ Иродо мыя, эна, Раскиро ангело дыяпэ Иосифоскэ дро сунэ дро Египто,
20 и ракирэл: «Ушты, лэ Чяврэс и Лэскирэ Да и джя дрэ пхув Израилё, пал дова со
одолэ, кай родэнас Чяврэскири душа, мынэ». 21 И ёв уштыя, лыя Чяврэс и Лэскирэ
Да и явья дрэ пхув Израилё. 22 Нэ, кэдэ ёв ушундя, со Архелаё правинэл дрэ Иудея
прэ пэскирэ дадэскиро Иродоскиро штэто, подарандыя одорик тэ джял: и лэскэ дро
сунэ Дэвэл напхэндя тэ на джял одорик и ёв гыя дро штэты дрэ пхув Галилея: 23 И
кэдэ ёв явья, ачьяпэ тэ дживэл дро форо, накхардо Назарето, соб тэ исджялпэ
одова, со исыс пхэндло через припхэныбнарьендэ: «Лэс накхарэна
Назаретяниноса».
3 Дрэ одолэ дывэса явэл Иоанно Болдарё9
тэ лыджял Дэвлытко лав дрэ Иудеякири
шукхи пхув10
, 2 и ракирэл: "Приґалён пэскирэ грэхи, пал дова со подъявья
Болыбнытко Царство”. 3 Ведь ада ёв, пал конэстэ пхэндя припхэныбнарё Исаия,
кай ракирэл: «Э глос одолэскири, кон годлэл дрэ шукхи пхув: "Кэрэн о дром
Яхваскэ11
, кэрэн Лэскирэ дрома прямонэнца”». 4 О Иоанно жэ носинэлас о шматы
верблюжонэ балэстыр и цыпытко кустык про бёдры; а лэскирэ хабнаса исыс э
саранчя и дико ягвин. 5 Тэдэ джянас кэ ёв Иерусалимо, и сари Иудея и сарэ штэты
8 Кучкхандуно ксил - э мирра/смирна (греческонэ чибатыр μύρρα).
9 Иоанно Болдарё (авторск.) - искэдыно Дэвлэса мануш, припхэныбнарё, кай лыджялас
Дэвлытко лав, прикхарэлас манушэн англыдыр тэ приґалён пэскирэ грэхи и тэдэ болэлас
лэн панеса прэ рэка Иордано, соб тэ явэн отмэкнэ лэнгирэ грэхи, адякэ соб мануша тэ явэн
готова тэ прилэн Иисусоскиро Лошало Лав пал Болыбнытко Царство.
10 Шукхи пхув - шукхэ, бипанескирэ штэты, дрэ савэндэ бут пяско и на барьён чярья.
(пустыня).
11 Яхва/Яхве (еврейсконэ чибатыр הוהי ЙХВХ) - Дэвлэскиро лав, саво Ёв (Дэвэл) пхэндя
Моисеёскэ, Пэскирэ искэдынэ припхэныбнарескэ, кэдэ о народо Израилё исыс улыджино
халадэнца дро Египто. Дрэ сарэ штэты, кай тэрдо Дэвлэскиро лав Яхва обычно прэ лэскиро
штэто тэрдо Рай или Дэвэл [Дрэ романо Нэво Завето Дэвлэскиро лав Яхва тэрдо дрэ одолэ
штэты, кай прилыджянпэ о цытаты Пуранэ Заветостыр]. пашо Иордано, 6 и болэнаспэ
лэстыр дрэ рэка Иордано, и приґалёнас пэскирэ грэхи. 7 Кэдэ жэ ёв удыкхья, со бут фарисеи12
и саддукеи13
явнэ кэ ёв тэ болэнпэ, пхэндя
лэнгэ: «Сапытка чявэ, кон чюдя тумэн прэ годы тэ нашэл холендыр, кай джяна прэ
тумэндэ? 8 Кэрэн о рэнды, соб тэ допхэнэн, со тумэ ачядэ тэ кэрэн о грэхи, кай тумэ
приґалынэ, 9 и на думинэн тэ ракирэн пэскэ: "Амаро дад - Авраамо”, пал дова со
ракирав тумэнгэ, со Дэвэл можынэл адалэ барэндыр тэ ґаздэл чявэн Авраамоскэ. 10
Ужэ и товэр пашло кэ брэзэнгирэ корни: всяко брэза, кай на яндэл лаче плоды,
счингирэн и чюрдэн дрэ яг. 11 Мэ болав тумэн панеса, пал дова со тумэ приґалынэ
пэскирэ грэхи, нэ Одова, Кон джял пал мандэ зоралыдыр мандыр, и мэ на молав тэ
лыджяв Лэскирэ ґэритка; Ёв лэла тэ болэл тумэн Святонэ Духоса и ягаса. 12 Дро вас
Лэстэ э лопата, савьяса веинэн о гив, и Ёв жужакирла пэскиро гумно14
и скэдэла
пэскиро гив дрэ штала вашо ракхибэн, а о пхус схачькирла дрэ яг, кай на мурдёла.
13 Тэдэ явэл Иисусо Галилеятыр про Иордано ко Иоанно тэ болэлпэ лэстыр. 14 Нэ
Иоанно тэрдякирлас Лэс и ракирдя: «Мангэ чебино тэ болавпэ Тутыр, а Ту явэс кэ
мэ?». 15 Нэ Иисусо пхэндя лэскэ дро ответо: «Мэ явэл акана адякэ, пал дова со
амэнгэ чебинэ тэ кэрас адя, соб тэ исджялпэ саро чячипэн». Тэдэ одова пириячья тэ
урикирэл Лэс. 16 И, кэдэ Иисусо болдяпэ, екхатыр жэ ґаздыяпэ панестыр: и, эна,
откэрдяпэ прэ Лэстэ болыбэн, и Иоанно удыкхья Дэвлэскиро Духо, Кай сджялас сыр
о голубё и змэкэласпэ прэ Лэстэ. 17 И эна, глос болыбнастыр пхэндя: «Ада Миро
камло Чяво, дрэ Савэстэ Миро радыма».
4 Тэдэ Иисусо исыс яндло духоса дрэ шукхи пхув, соб Бэнг тэ испытынэл Лэс. 2 И,
кэдэ постиндя саранда дывэс и саранда ратя, Ёв бокхалыя. 3 И явья о Налачё кэ Ёв
и пхэндя: «Если Ту сан Дэвлэскиро Чяво, пхэн, соб о бара тэ явэн марэса». 4 Ёв жэ
пхэндя дро ответо: «Начиндло: "Нанэ екхэ марэса дживэл мануш, нэ и кажнонэ
лавэса, кай выджял Яхваскирэ уштэндыр”».
5 Тэдэ Бэнг лэл Лэс дрэ свято форо, и чювэл Лэс прэ кхангирьякири крыша, 6 и
ракирэл Лэскэ: «Если Ту сан Дэвлэскиро Чяво, счюрдэпэ тэлэ, ведь начиндло: "Ёв
припхэнэла Пэскирэ ангелэнгэ пал Тутэ, и про васта полыджяна Тут, соб Ту тэ на
дэспэ Пэскирэ ґэрьяса про бар”». 7 О Ииcусо пхэндя лэскэ : «Адя жэ начиндло: "На
испытын Яхвас, Тырэ Дэвлэс”».
8 Палэ Бэнг лэл Лэс прэ дриван учи бэрга, и сыкавэл Лэскэ сарэ свэтоскирэ царства
и лэнгиро барипэн, 9 и ракирэл Лэскэ: «Саро адава мэ дава Тукэ, если пэрэса про
чянга и бандёса мангэ». 10 Тэдэ Иисусо пхэндя лэскэ: «Уджя Мандыр, Сатано15
!
Ведь начиндло: "Бандёв Яхваскэ, тырэ Дэвлэскэ, и Лэскэ екхэскэ служын”». 11 Тэдэ
12 Фарисеи (чибатыр иврит םי שורפ ם , перушим, прушим, со пирилыджялпэ: "одолэ, савэ
отгынэ”) - иудеи, кай пририкирнаспэ ко Свята Чиныбэна и Моисеёскирэ причиныбэна,
лэнгирэ мануша исыс сэндарьенца дро Упрыдыр сэндо (Синедрионо) и барыдырэ рашанца
дро синагоги.
13 Саддукеи (ивр. чиб םי קודצ ם , цадоким, накхардэ пиро лав Садоко - евр.чиб Цадоко, со
пирилыджялпэ «Ёв (Дэвэл) сыкадя Пэс чячюнэса») - иудеи, кай сарэ строгимаса
пририкирнаспэ ко Свята Чиныбэна и полэнас Моисеёскиро Законо лав дро лав, отпхэнэнаспэ
сарэ кхангиритконэ свэнкэндыр, кай на исыс причиндлэ дрэ Библия. Лэнгирэ мануша исыс
сэндарьенца дро Упрыдыр сэндо (Синедрионо).
14 Гумно - о штэто, кай вымарэн о зёрны гивэстыр.
15 Сатано (чибатыр иврит ן טש ן , сатан - «противнико») - Дэвлэскиро вэрго, кай слыджял
манушэн ко грэхо.Бэнг ачькирдя Лэс, и эна, о ангелы явнэ кэ Ёв и служынэнас Лэскэ.
12 Кэдэ жэ Иисусо ушундя, со Иоаннос чюдэ дро старибэн, дурия дрэ Галилея. 13 И,
сыр ачькирдя о Назарето, гыя и ачьяпэ тэ дживэл дро Капернаумо, кай тэрдо пашо
морё, дрэ Завулоноскири и Неффалимоскири пхув, 14 соб тэ исджялпэ одова, со
исыс пхэндло через припхэныбнарестэ Исаиястэ, кай ракирэл: 15 "Пхув
Завулоноскири и пхув Неффалимоскири, со про дром пашо морё, пало Иордано, на
иудеенгири Галилея!” 16 О мануша, кай исыс бэштэ дро тёмныма, удыкхнэ бари яг , и
прэ одолэндэ, кон исыс бэшто дрэ мэрибнаскири тень, засвятиндяпэ яг . 17 Одолэ
времёстыр Иисусо лыя тэ лыджял Дэвлытко лав и тэ ракирэл: «Приґалён пэскирэ
грэхи, пал дова со подъявья Болыбнытко Царство».
18 Кэдэ жэ Ёв проджялас мамуй Галилеякиро морё, удыкхья дуе пшалэн: Симонос,
накхардо Петроса, и Андреёс, лэскирэ пшалэс, кай зачюрдэнас о кхудя16
дро морё,
пал дова со ёнэ исыс рыбаки. 19 И Ёв ракирэл лэнгэ: «Явэн пал Мандэ, и Мэ кэрава
тумэндыр одолэн, кон лэла тэ ухтылэл манушэн17
». 20 И ёнэ екхатыр ачькирдэ о
кхудя и гынэ пал Лэстэ слядоса18
. 21 И одоцыр Ёв гыя дурыдыр и удыкхья авирэ дуе
пшалэн: Иаковос, Зеведеёскирэ чявэс, и Иоаннос, лэскирэ пшалэс, дрэ лодка
Заведеёса, лэнгирэ дадэса, кай подкэрнас пэскирэ порискирдэ кхудя, и Ёв покхардя
лэн. 22 И ёнэ екхатыр жэ ачькирдэ э лодка и пэскирэ дадэс и гынэ пал Лэстэ
слядоса.
23 И Иисусо гыя пир сари Галилея, сыклякирлас дрэ лэнгирэ синагоги19
, лыджялас
Лошало Лав пало Царство и састякирлас о насвалыпэна и о дукха, кай исыс
манушэндэ. 24 И о шуныбэн пал Лэстэ розгыяпэ пир сари Сирия, и яндэнас кэ Ёв
сарэ насвалэн, кай мэнчинэнаспэ насвалыпнэндыр и зоралэ дукхэндыр, одолэн,
савэн лынэ бэнга, и чёнытконэ насвалыпнаса20
, и одолэн, кон исыс розмардо про
васта и про ґэра21
, и Ёв састякирлас лэн.
25 И джянас пал Лэстэ слядоса дриван бут мануша Галилеятыр, Дэшэ Форьендыр,
Иерусалимостыр, Иудеятыр и авирэ Иорданоскирэ стронатыр.
5 И, кэдэ Ёв удыкхья бут манушэн, гыя прэ бэрга и сыр бэштя, подгынэ кэ Ёв
Лэскирэ сыклякирдэ22
, 2 И Ёв откэрдя пэскирэ ушта и лыя лэн тэ сыклякирэл, и
ракирдя:
3 Бахталэ чёрорэ23
духоса, пал дова со лэнгиро явэла Болыбнытко Царство.
4 Бахталэ одолэ, кон ровэл, пал дова со улэлапэ лэнгиро роибэн.
5 Бахталэ ковлэилытка, пал дова со лэнгэ рэсэлапэ пхув.
16 О кхудя (неологизмо, лыно балтийсконэ ромэнгирэ Библиятыр) - кхуденца ухтылэн мачен
(о сети).
17 (лав дро лав) «Манушэнгиро ухтылыбнарё»
18 «Гынэ пал Иисусостэ слядоса» - адай чебинэ тэ полэл сыр: ёнэ «ячнэ Иисусоскирэ
сыклякирдэнца».
19 Синагога (греческонэ чибатыр συναγωγή, «скэдыпэн»; иврейско чиб תסנכ תיב ת , бейт кнесет -
«скэдыпнаскиро кхэр». О кхэр, дрэ саво скэдэнаспэ евреи тэ гинэл Свята Чиныбэна, тэ
мангэлпэ Дэвлэскэ, тэ лыджял Дэвлытко лав и кэрнас сарэ авирэ причиныбэна
Моисеёскирэ Законостыр.
20 Чёнытко насвалыпэн - "лунатизмо”.
21 Розмардо про васта и про ґэра - "парализованно”.
22 О сыклякирдо (авторск.) - одова, кон сыклёл (ученико) или адякэ жэ одова, кон прилыя
конэскиро-либо сыклякирибэн, патябэн (ученико, последователё).
23 Чёрорэ духоса - одолэ, кон полэл со лэскирэ духоскэ чебинэ Дэвлэс.6 Бахталэ одолэ, кон бокхало и трушало24
ко Дэвлытко чячипэн, пал дова со ёнэ
чялёна.
7 Бахталэ одолэ, кон доринэл илэса, пал дова со и лэн подоринэна.
8 Бахталэ одолэ, кон жужо илэса, пал дова со ёнэ удыкхэна Дэвлэс.
9 Бахталэ одолэ, кон подрикирэл о миро, пал дова со ёнэ явэна накхардэ Дэвлэскирэ
чявэнца.
10 Бахталэ одолэ, конэс традэн пало Дэвлытко чячипэн, пал дова со лэнгиро явэла
Болыбнытко Царство.
11 Бахталэ тумэ, кэдэ мануша лэна тэ кошэн тумэн и тэ традэн тумэн и тэ ракирэн
прэ тумэндэ хоханэс саро фуипэн пал Мандэ. 12 Лошанпэ барэ лошаса, пал дова со
баро тумаро миштыпэн про болыбэн, ведь адя жэ традэнас и припхэныбнарьен, кай
исыс ангил тумэндэ.
13 Тумэ - пхувьякиро лонд. Нэ если о лонд нашавэла зор, то соса тэ кэрэл лэс
лондэса? Лэса ужэ ни со на кэрэса, ачелпэ жэ только тэ вычюрдэл лэс аври, кай
мануша ростасавэна лэс ґэрэнца.
14 Тумэ - яг свэтоскэ. О форо, кай тэрдо упрэ прэ бэрга, на можынэл тэ гарадёл. 15
Кэдэ захачькирна мамылы, чювэна ла нанэ тэлэ пири25
, а прэ тэлэмамылытко
чяроро26
, и ей святинэла сарэнгэ дро кхэр. 16 Адякэ мэ святинэлпэ тумари яг ангил
манушэндэ, соб ёнэ тэ дыкхэн тумарэ лаче рэнды и тэ славинэн тумарэ Дадэс, Кай
про болыбэн.
17 На думинэн, со Мэ явьём тэ укэдав о Законо или припхэныбнарьен. Нанэ тэ
укэдав Мэ явьём, нэ тэ кэрав адя, соб ёнэ тэ исджянпэ. 18 Чячипэн ракирав тумэнгэ:
пока на пропэрна болыбэн и пхув, на пропэрла дажэ ек э тыкныдыр буква или ек
буквакири чёрточка дро Законо ангил одова, сыр саро исджялапэ. 19 Адякэ одова,
кон отоджяла екхатыр адалэ тыкныдырэ Напхэныбнэндыр27
и сыклякирла одолэскэ
жэ манушэн, явэла накхардо о тыкныдыр дрэ Болыбнытко Царство; а одова, кон
кэрла адя, сыр напхэндя Дэвэл и сыклякирла манушэн, явэла накхардо баро дрэ
Болыбнытко Царство. 20 Пал дова со ракирав тумэнгэ, если тумаро джиипэн пир
Дэвлытко чячипэн на явэла фэдыр лылваритконэнгирэ и фарисеенгирэ джиипнастыр
пир Дэвлытко чячипэн, то тумэ на заджяна дрэ Болыбнытко Царство.
21 Тумэ шундлэ, со манушэнгэ дро пураныпэн исыс пхэндло: "На умар: одова жэ, кон
умарла, должен тэ джял тэло сэндо. 22 А Мэ ракирав тумэнгэ, со кажно, кон холясол
прэ пэскирэ пшалэстэ ивьятунэс, должен тэ джял тэло сэндо, кон жэ пхэнэла пэскирэ
пшалэскэ: "Дылыно!", должен тэ джял тэло Упрыдыр сэндо28
, а кон пхэнэла: "Ту
бигодякиро!" - должен тэ попэрэл дрэ ягалы геенна29
.
23 Если ту яндэса пэскиро дыипэн30
ко жертвеннико и одой срипирэса, со тыро пшал
24 Трушало (жаждущё) ко Дэвлытко чячипэн - родэл Дэвлытко чячипэн сыр о паны.
25 Соб тэ мучкирэл мамылы (о чяроро, дрэ савэстэ исыс начюдо оливково ксил), ла на
запхурдэнас, а учякирнас пирьяса.
26 Тэлэмамылытко чяроро (авторск.) - о чяроро, кай чювэлпэ тэлэ мамылы (подсвечнико).
27 Дэвлэскирэ Напхэныбэна - дэш Напхэныбэна, кай Дэвэл начиндя пэскирэ вастэса про бар
и дыя припхэныбнарескэ Моисеёскэ прэ бэрга Синаё, со дрэ шукхи пхув.
28 О Упрыдыр сэндо - Синедрионо (греческонэ чибатыр συνεδριον).
29 Геенна (чибатыр иврит םנהג ,םונהג Ге Хинном "Эномоскири маль”, греч. чиб Γέεννα) - о
штэто пало форо Иерусалимо, кай вычюрдэнас и схачкирнас сари блата и о мусоро
форостыр, мулэ животнонэн и казнякирдэ розмарибнарьенгирэ трупы, савэ на исыс мол, соб
лэн тэ гаравэн дро барунэ или рипирибнытка ґаныка.
30 О дыипэна - евреи яндэнас Дэвлэскэ, сыр доракирибэн машкир Дэвлэстэ и
Израилёскирэ дро холя прэ тутэ, 24 ачькир пэскиро дыипэн одой ангило жертвеннико, и джя
англыдыр помиринпэ пэскирэ пшалэса, а тэнчя рисёв и яндэ пэскиро дыипэн.
25 Миринпэ сыгыдыр одолэса, кон тут банькирэл, пока ту инкэ дро дром лэса, соб ёв
тэ на отдэл тут сэндарескэ, а сэндарё тэ на отдэл тут старибнытконэ раскэ, и тэ на
чюрдэн тут дро старибэн. 26 Чячипэн ракирав тукэ: ту на выджяса одоцыр, пока на
выплэскирэса саро кэ последнё ґасприн31
.
27 Тумэ шундлэ, со манушэнгэ дро пураныпэн исыс пхэндло: "Ромны на испарув
пэскирэ ромэскэ и ром на испарув пэскирэ ромнякэ". 28 А Мэ ракирав тумэнгэ, со
кажно, кон накуч дыкхэл прэ джювлятэ, ужэ испарудя ласа дрэ пэскиро ило. 29 Если
жэ тыри право як слыджял тут ко грэхо, вырискир ла и чюрдэ пэстыр, пал дова со
фэдыр ваш тукэ, если со-то ек тырэ телостыр хасёла, а нанэ саро тыро тело явэла
чюрдыно дрэ геена. 30 И если тыро право вас слыджял тут ко грэхо, отчингир лэс и
чюрдэ пэстыр, пал дова со фэдыр ваш тукэ, если со-то ек тырэ телостыр хасёла, а
нанэ саро тыро тело явэла чюрдыно дрэ геена.
31 Исыс пхэндло адя жэ: "Одова, кон розлыджялапэ пэскирэ ромняса, мэ дэл лакэ о
лыл ваш одова, соб тэ розлыджялпэ". 32 А Мэ ракирав тумэнгэ, со кажно, кон
розлыджялпэ пэскирэ ромняса кроме одова, со ей лэскэ испарудя, ачявэл ла, соб ей
тэ испарувэл лэскэ; и кажно, кон лэл пэскэ ромня, кай розлыджияпэ, испарувэл.
33 Инкэ тумэ шундлэ, со манушэнгэ дро пураныпэн исыс пхэндло: "На просовлаха
совэл, кай ту дыян, нэ кэр адя, сыр совлахадян ангил Растэ". 34 А Мэ ракирав
тумэнгэ: на совлаха сарэса: ни болыбнаса, пал дова со ёв Дэвлэскиро троно; 35 ни
пхувьяса, пал дова со прэ латэ тэрдэ Лэскирэ ґэра; ни Иерусалимоса, пал дова со ёв
Барэ Царёскиро форо; 36 ни пэскирэ шэрэса на совлаха, пал дова со ни ек бал на
можынэс тэ кэрэс парнэса или калэса. 37 Тумаро лав нэ - мэ явэл нэ, а нат - мэ
явэл нат, а со упрыдыр адалэстыр - ужэ Налачестыр.
38 Тумэ шундлэ, со исыс пхэндло: "Як палэ як и данд пало данд". 39 А Мэ ракирав
тумэнгэ: на кэр фуипэн одолэскэ, кон кэрдя фуипэн тукэ, нэ кон дэла тут пир тыри
право чям32
, порискир кэ ёв и явир. 40 И если кон-нибудь закамэла тэ сэндынэлпэ
туса и тэ лэл тыро гад, отдэ лэскэ и упратуно уриабэн. 41 И если кон-нибудь
зачювэла тут тэ проджял лэса ек вэрста33
, проджя лэса дуй. 42 Дэ одолэскэ, кон
мангэл тутыр, и на отрисёв одолэстыр, кон камэл тэ залэл тутыр.
43 Тумэ шундлэ, со исыс пхэндло: "Кам ближнёнэ манушэс и на кам пэскирэ вэргос".
44 А Мэ ракирав тумэнгэ: камэн тумарэн вэргэн и мангэнпэ Дэвлэскэ пал одолэндэ,
кон клининэл тумэн, кэрэн лачипэн одолэнгэ, кон на камэл тумэн, мангэнпэ пал
одолэндэ, кон кэрэл тумэнгэ фуипэн и традэл тумэн, 45 соб тумэнгэ тэ явэн тумарэ
Дадэскирэ чявэнца, Кай про болыбэн, пал дова со Ёв припхэнэл кхамэскэ тэ
святинэл прэ холямэндэ и прэ лачендэ и бичявэл брышынд прэ одолэндэ, кон кэрэл
лачипэн и одолэндэ, кон кэрэл фуипэн. 46 Ведь если тумэ камэн только одолэн, кон
камэл тумэн, саво тумэнгэ миштыпэн Дэвлэстыр? Нанэ одова жэ кэрэн налогэнгирэ
скэдыбнарья34
? 47 И если тумэ ракирэн: "Явэн бахталэ!", кэдэ дыкхэн пэскирэ
чявэндэ про вэки, соб ёнэ тэ рипирэн чячюнэ Дэвлэскиро лав и саро миштыпэн, кай Ёв
кэрдя пэскирэ искэдынэ народоскэ.
31 (лав дро лав) «кэ последнё кодранто» - тыкны ґасприн дрэ пурано Римо.
32 Чям (бистырдо романо лав) "Щёка”
33 (лав дро лав) римско миля - 1479.5 метры.
34 Налогэнгиро скэдыбнарё - одова, кон скэдэл о налоги.пшалэн, со адасаво кэрэн? Нанэ адя жэ кэрэн и мануша ваврэ пхувьендыр? Пал
дава явэн бидошакирэ35
, сыр бидошакиро тумаро Болыбнытко Дад.
6 Дыкхэн, на сыкавэн пэскиро патябэн ангил манушэндэ, соб тумэн тэ удыкхэн; или
тумэнгэ на явэла миштыпэн тумарэ Дадэстыр, Кай про болыбэн. 2 Адякэ, кэдэ подэс
чёрорэ манушэскэ, на пхутёв дрэ пэскирэ ушта36
, сыр кэрэн хоханэ мануша дрэ
синагоги и прэ гасы, соб тэ шарэн лэн мануша. Чячипэн ракирав тумэнгэ: ёнэ ужэ
лынэ саро пэскиро миштыпэн. 3 Тутэ жэ, кэдэ подэс чёрорэ манушэскэ, лево вас мэ
на джинэл, со кэрэл право, 4 соб одова, со ту подэс, тэ явэл чёрахано; и тэдэ тыро
Дад, Кай дыкхэл саро, со кэрэлпэ чёраханэс, дэла тукэ миштыпэн.
5 И, кэдэ мангэспэ, на яв сыр хоханэ мануша, кай камэн тэ мангэнпэ тэрдындой дрэ
синагоги и прэ барэ гасакирэ вэнглы, соб мануша тэ дыкхэн лэн. Чячипэн ракирав
тумэнгэ: ёнэ ужэ лынэ саро пэскиро миштыпэн. 6 Ту жэ, кэдэ мангэспэ, заджя дрэ
пэскири штуба и закэр о дара, и помангпэ тырэ Дадэскэ, Кай чёраханэс; и тэдэ тыро
Дад, Кай дыкхэл саро, со кэрэлпэ чёраханэс, дэла тукэ миштыпэн. 7 И кэдэ мангэнпэ,
на ракирэн бут молы ек и дова жэ, сыр мануша ваврэ пхувьендыр; пал дова со ёнэ
думинэн, со явэна ушундлэ пал лэнгирэ бут лава. 8 На явэн сыр ёнэ, пал дова со
тумаро Дад джинэл, дрэ со тумэндэ нужда, инкэ ангил одова, сыр тумэ помангэна
Лэстыр.
9 Пал дава мангэнпэ адякэ: "Дадо амаро, Саво сан про болыбэн, мэ святинэлпэ
Тыро лав. 10 Мэ явэл Тыро Царство. Мэ исджялпэ Тыри воля и прэ пхув, сыр про
болыбэн. 11 Дэ амэнгэ дадывэс о маро, кай чебинэ амэнгэ прэ адава дывэс, 12 и
простинэ амэнгэ амарэ длэнги, сыр и амэ простинас одолэнгэ, кон амэнгэ банго. 13
И на домэк, соб тэ слыджян амэн ко грэхо, нэ зарак э Налачестыр. Пал дова со исы
Тыро Царство и зор и слава про вэки. Аминь37
".
14 Пал дова со если тумэ лэна тэ простинэн манушэнгэ лэнгири банг, то и тумаро
Болыбнытко Дад простинэла тумэн, 15 а если тумэ на лэна тэ простинэн манушэнгэ
лэнгири банг, то и тумаро Дад на простинэла тумэнгэ тумари банг.
16 Адя жэ, кэдэ постинэнпэ, на кэрэн стырдыно муй, сыр хоханэ мануша, пал дова
со ёнэ скэрэн о муй, сыр-будто лэнгэ пхаро, соб мануша тэ дыкхэн, со ёнэ
постинэнпэ. Чячипэн ракирав тумэнгэ: ёнэ ужэ лынэ саро пэскиро миштыпэн. 17 Ту
жэ, кэдэ постинэспэ, помак пэскиро шэро и вымор пэскиро муй, 18 соб тэ сыкавэспэ,
со ту постинэспэ, нанэ ангил манушэндэ, нэ ангил тырэ Дадэстэ, Кай чёраханэс; и
тэдэ тыро Дад, Кай дыкхэл саро, со кэрэлпэ чёраханэс, дэла тукэ миштыпэн.
19 На скэдэн пэскэ барвалыпэн прэ пхув, кай э моль и э ржавчина исхан и кай о чёра
прокэдэнпэ и чёрэн. 20 А скэдэн пэскэ барвалыпэн про болыбэн, кай ни э моль, ни э
ржавчина на исхан и кай о чёра на прокэдэнпэ и на чёрэн. 21 Ведь кай тумаро
барвалыпэн, одой явэла и тумаро ило.
22 О свэто вашо тело - як. Адякэ, если тыри як жужы, то саро тыро тело явэла
святло; 23 нэ если жэ тыри як холямы, то саро тыро тело явэла тёмно. Адякэ, если
жэ свэто, кай дрэ тутэ, - тёмныма, то саво жэ баро адава тёмныма!
24 Ни кон на можынэл тэ служынэл дуе хулангэ: пал дова со или екхэс лэла тэ
камэл, а авирэс тэ на камэл; или явэла чячюно кэ ек, а авирэса на лэла тэ гинэлпэ.
Тумэ на можынэн тэ служынэн Дэвлэскэ и Барвалыпнаскэ38
.
35 Бидошакиро - лавэстыр дош "пороко, недостатко”; бигрэхоскиро.
36 (лав дро лав) «На пхурдэ дрэ труба ангил пэстэ».
37 Аминь - пураны греч. чиб. Ἀμήν, чибатыр иврит ןמא "чячё, тэ явэл адякэ”.
38 (лав дро лав) «Маммона» адава лав явья дрэ Библия через греческо
чиб μαμμωνάς - 25 Пал адава ракирав тумэнгэ: на пиридживэн пал пэскиро джиипэн, со тумэнгэ тэ
хал, или со тэ пьел, и пал тумарэ телы, дрэ со тэ урьелпэ. Неужто джиипэн нанэ
дрогыдыр хабнастыр, а о тело - уриабнастыр? 26 Сдыкхэн прэ болыбнытконэ
чириклендэ: ёнэ на сеинэн, на счинэн гив39
, на скэдэн счиндло гив дро шталы вашо
ракхибэн; и тумаро Болыбнытко Дад чяравэл лэн. Неужто тумэ на сан прэ бут
дрогыдыр лэндыр? 27 И кон тумэндыр, кэдэ пиридживэл, можынэл тэ кэрэл
длэнгыдыр пэскиро джиипэн хоть прэ кунь? 28 И пало уриабэн палсо пиридживэн?
Подыкхэн прэ фэлдытка лилии, сыр ёнэ барьён: ёнэ на кэрэн пхари буты и на кхувэн
о тхава, 29 нэ ракирав тумэнгэ, со дажэ Соломоно, дрэ саро пэскиро барвалыпэн, на
урьеласпэ адя, сыр любо лэндыр. 30 Если жэ Дэвэл адя урьявэл фэлдытка чярья,
кай дадывэс исы, а атася явэна чюрдынэ дро бов, то неужто Ёв прэ бут фэдыр на
урьявэла тумэн, савэндэ набут патябэн? 31 Пал адава ни кэдэ на пиридживэн и на
ракирэн: "Со амэнгэ тэ хас?”, или "Со тэ пьяс?”, или "Дрэ со тэ урьяспэ?”. 32 Ведь
саро адава родэн мануша ваврэ пхувьендыр. Нэ тумаро Болыбнытко Дад джинэл, со
тумэндэ исы нужда дрэ саро адава.
33 Нэ родэн англыдыр Дэвлэскиро Царство и Лэскиро чячипэн, и саро адава явэла
дыно тумэнгэ. Адякэ, на пиридживэн пал атасятуно дывэс, пал дова со атася явэла
пал со тэ пиридживэл. Ухтылла ваш кажно дывэс пэскиро пхарипэн.
7 На сэндякирэн, соб тэ на явэн сэндякирдэ, 2 ведь савэ сэндоса тумэ сэндякирэн,
адасавэса лэна тэ сэндякирэн и тумэн, и савэ мераса тумэ меринэн, адасавьяса
отмеринэна и тумэнгэ. 3 И соскэ ту дыкхэс про пхусоро дрэ тырэ пшалэскири як, а о
брёвно дрэ пэскири як на дыкхэс? 4 Или сыр ту можынэс тэ ракирэс тырэ пшалэскэ:
"Дэ мэ вытырдава о пхусоро тырэ якхатыр, а, дык, тутэ кокорэстэ дрэ як о брёвно?” 5
Хохано! Вытырдэ англыдыр о брёвно пэскирэ якхатыр, и тэдэ куч удыкхэса, сыр тэ
вытырдэл о пхусоро тырэ пшалэскирэ якхатыр.
6 На дэн одова, со свято40
джюклэнгэ и на чюрдэн тумаро жемчуго ангил
балычендэ41
, соб ёнэ тэ на ростасавэн лэс пэскирэ ґэрэнца, а тэнчя тэ на порисён и
тэ на розрискирэн тумэн.
7 Мангэн — и тумэнгэ явэла дыно; родэн — и тумэ латхэна; марэн дро дара — и
тумэнгэ откэрна, 8 пал дова со кажно, кон мангэл, лэла, кон родэл, латхэла и
одолэскэ, кон марэлпэ дро дара, откэрна. 9 Исы машкир тумэндэ мануш, кай, если
лэскиро чяво помангэла лэстыр о маро, дэлас бы лэскэ о бар? 10 И кэдэ помангэла
мачё, дэлас ба лэскэ сапэс? 11 Адякэ, если тумэ сан холямэ мануша, нэ джинэн, сыр
тэ кэрэл пэскирэ чявэнгэ лачипэн, то одолэса бутыр тумаро Дад, Кай про болыбэн,
дэла лачипэн одолэнгэ, кон Лэстыр мангэл!
12 Адякэ саро одова, со тумэ камэн, соб мануша тэ кэрэн тумэнгэ, адя кэрэн и тумэ
лэнгэ, пал дова со дрэ адава о Законо и Припхэныбнарья.
13 Заджян через вэнзка ворота, пал дова со буґлэ ворота и буґло дром, кай лыджял
ко хасибэн, и бут джян лэнца; 14 тэдэ сыр вэнзка ворота и вэнзко дром, кай лыджял
ко джиипэн, и набут латхэн лэн.
15 Ракхэнпэ хоханэ припхэныбнарьендыр, кай явэна кэ тумэ дрэ бакраны цыпа, нэ
андрэ ёнэ — холямэ рува. 16 Тумэ ґалёна лэн пир лэнгирэ плоды. Разве
арамейсконэ чибатыр мамона "барвалыпэн; миштыпэн”.
39 Гив (бистырдо романо лав) - "рожь; (адя жэ) пшеница”.
40 Одова, со свято - ада исыс мас, кай яндэнас Дэвлэскэ сыр о дыипэн.
41 Джюкэла и балыче гинэнаспэ палэ нажужэ животнонэндэ; адякэ евреи накхарэнас
манушэн ваврэ пхувьендыр.пусаибнытконэ чярьендыр скэдэна о виноградо или э
чертополохостыр о инжиро? 17
Адякэ всяко лачи брэза яндэл лаче плоды, а кырны брэза яндэл налаче плоды. 18
Лачи брэза на можынэл тэ яндэл налаче плоды, а кырны брэза на можынэл тэ яндэл
лаче плоды. 19 Всяко брэза, кай на яндэл лаче плоды, счингирэн и чюрдэн дрэ яг. 20
Адякэ, пир лэнгирэ плоды ґалёна лэн.
21 Нанэ кажно, кон ракирэл Мангэ: "Рай42
! Рай!”, заджяла дрэ Болыбнытко Царство,
а одова, кон кэрэл адя, соб тэ исджялпэ Мирэ Дадэскири воля, Кай про болыбэн. 22
Бут кон пхэнэла Мангэ дрэ одова дывэс: "Рай! Рай! разве нанэ Тырэ лавэстыр амэ
припхэнасас, разве нанэ Тырэ лавэстыр амэ истрадасас бэнгэн и разве нанэ Тырэ
лавэстыр амэ кэрасас бут дивна рэнды?” 23 И тэдэ Мэ пхэнава лэнгэ: "Мэ ни кэдэ на
джиндём тумэн! Отоджян Мандыр одолэ, кон кэрэл фуипэн”.
24 Пал дава кажно, кон шунэл адалэ Мирэ лава и кандэл лэн, подджял прэ годьварэ
манушэстэ, кай чюдя пэскиро кхэр про бар; 25 и гыя брышынд, и ґаздынэпэ о паня, и
запхурдынэ о балваля, и пынэ прэ одова кхэр, ёв жэ на пыя; пал дова со ёв исыс
чюдо про бар. 26 А кажно, кон шунэл адалэ Мирэ лава и на кандэл лэн, поджял прэ
дылынэ манушэстэ, кай чюдя пэскиро кхэр про пяско; 27 и гыя брышынд, и
ґаздынэпэ о паня, и запхурдынэ о балваля и пынэ прэ одова кхэр, и ёв пыя, и сарэса
роспхадия43
.
28 И кэдэ Иисусо пириячья тэ ракирэл адалэ лава, мануша зоралэс удивиндлэпэ
одолэскэ, соскэ Ёв сыклякирдя, 29 пал дова со Ёв сыклякирдя лэн сыр одова,
конэстэ исы власть, а нанэ сыр лэнгирэ лылваритка.
8 Кэдэ Ёв змэкьяпэ бэргатыр, пал Лэстэ слядоса гыя дриван бут мануша. 2 И эна
подгыя ек гэрало44
, и бандия Лэскэ и пхэндя: «Рай, если Ту камэс, Ту сможынэса ман
тэ жужакирэс». 3 И Иисусо протырдыя о вас, чиладя лэс и пхэндя: «Камам. Яв
жужо». И одова екхатыр жэ ячья жужо гэрэндыр. 4 И Иисусо пхэндя лэскэ: «Дык, ни
конэскэ на ракир пал адава, нэ джя, сыкавпэ рашаскэ и яндэ о дыипэн, кай напхэндя
Моисеё, соб ёнэ тэ дыкхэн пэскирэ якхэнца». 5 Кэдэ жэ Иисусо явья дро
Капернаумо, кэ Ёв подгыя ек шэлэнгиро баро рай45
и лыя тэ мангэл лэс, 6 и ракирдя:
«Рай, миро писхарё пашло дро кхэр розмардо про васта и про ґэра, и дриван
мэнчинэлпэ дукхэндыр». 7 О Иисусо пхэндя лэскэ: «Мэ явава и высастякирава лэс».
8 Нэ шэлэнгиро баро рай пхэндя дро ответо: «Рай, мэ на сом мол, соб Ту тэ заджяс
тэл мири крыша, нэ пхэн только лав, и миро писхарё высастёла. 9 Ведь и мэ сом
мануш, прэ конэстэ исы о барыдыр рай, и мэ кокоро сом рай прэ халадэндэ, Мэ
ракирав екхэскэ: "Джя!” - и ёв джял; и авирэскэ "Яв!” - и одова явэл, адя жэ и мирэ
писхарёскэ: "Кэр адава!” - и ёв кэрэл». 10 Кэдэ Иисусо ушундя адава , Ёв удивиндяпэ
и пхэндя одолэнгэ, кон джялас пал Лэстэ слядоса: "Чячипэн ракирав тумэнгэ: ни
конэстэ дро Израилё Мэ на латхьём адасаво зорало патябэн. 11 Нэ ракирав тумэнгэ,
со бут кон явэла ригэндыр, кай выджял и заджял о кхам46
, и бэшэна Авраамоса,
Исаакоса и Иаковоса дрэ Болыбнытко Царство; 12 а Царствоскирэ чявэ явэна
42 Рай - дро пураныпэн про востоко адава лав ракирдэ патывалэ пхурэнгэ, барвалэ
манушэнгэ или одолэнгэ, конэстэ исыс власть. Адякэ жэ накхарэнас Иисусос, соб тэ
сыкавэл Лэскэ пэскири бари патыв.
43 (лав дро лав) «И баро исыс лэскиро пхагирибэн».
44 (адай) прокажённо; проказа - ада пхаро цыпытко насвалыпэн, кэдэ мануш саро лэлпэ
гэрэнца.
45Шэлэнгиро баро рай - дрэ пурано Римо рай прэ шэлэ халадэндэ.
46 (адай) востокостыр и западостыр.вычюрдынэ аври дро калыпэн: одой ёнэ лэна тэ ровэн и тэ счинэн о данда”. 13 И
Иисусо пхэндя шэлэнгирэ барэ раскэ: «Джя. Мэ явэл пир тыро патябэн». И лэскиро
писхарё дрэ одоя жэ кунь высастыя.
14 И кэдэ Иисусо явья дрэ Пётроскиро кхэр, удыкхья, со лэскири сасуй пашлы дрэ
издраны. 15 и Ёв чиладя лакиро вас, и издраны латэ прогыя; и ей уштыя и
прислужынэлас лэнгэ. 16 А кэдэ наячья бывэль, кэ Ёв яндлэ бут одолэн, савэн лынэ
бэнга, и Ёв истрадыя духэн лавэса и высастякирдя сарэн, кон исыс насвало, 17 соб
тэ исджялпэ одова, со исыс пхэндло через припхэныбнарестэ Исаиястэ, кай ракирэл:
«Ёв лыя прэ Пэстэ амарэ насвалыпэна и полыджия амарэ дукха».
18 Кэдэ Иисусо удыкхья бут манушэн, кай Лэс обкрэнцакирдэ, напхэндя тэ
отплывинэл прэ вавир строна. 19 И ек лылваритко подгыя и пхэндя Лэскэ:
«Сыклякирибнарё, мэ джява пал Тутэ слядоса, карик Ту тэ на джяс». 20 Нэ Иисусо
пхэндя лэскэ: «Ко лисы исы о рандля47
, и кэ болыбнытка чирикля - о гнязды, нэ
Манушытконэ Чявэскэ нанэ кай тэ причювэл о шэро». 21 Вавир жэ Лэскирэ
сыклякирдэндыр пхэндя Лэскэ: «Рай, мэк мэ англыдыр джява и гаравава мирэ
дадэс». 22 Нэ Иисусо пхэндя лэскэ: «Джя пал Мандэ слядоса и о мулэ мэ гаравэн
пэскирэ мулэн».
23 И кэдэ Ёв бэштя дрэ лодка, Лэскирэ сыклякирдэ гынэ пал Лэстэ слядоса. 24 И,
эна, ґаздынэпэ барэ балваля про морё, адя со э лодка лыя тэ учякирэлпэ волнэнца;
а Ёв исыс суто. 25 Тэдэ Лэскирэ сыклякирдэ подгынэ кэ Ёв, джингадэ Лэс, и пхэндлэ:
«Рай, зрак амэн, хасёвас!» 26 Нэ Ёв пхэндя лэнгэ: «Соскэ тумэ адасавэ даранкунэ?
Тумэндэ набут патябэн!» Тэнчя Ёв уштыя и улыя о балваля и о морё; и саро
заштылыя. 27 Манушэнгэ жэ кэрдяпэ сдиво и ёнэ ракирдэ: «Кон адава мануш, со
дажэ балваля и о морё кандэн Лэс?»
28 И кэдэ Ёв явья прэ вавир брэго, дрэ Гергесэнгири пхув, кэ Ёв рипирибнытконэ
ґаныкэндыр48
выгынэ дуй мануша, савэн лынэ бэнга, прэ даскицык холямэ, со сарэ
даранаспэ тэ проджян одолэ дромэса. 29 И, эна, ёнэ загвалтындлэ: «Со Тукэ кэ ямэ,
Иисусо, Дэвлэскиро Чяво?» Ту явьян адарик тэ мэнчинэс амэн англыдыр времёстыр?
30 А дро дурипэн лэндыр ракхэласпэ баро стадо балыче. 31 Тэдэ о бэнга лынэ тэ
умангэн Лэс и ракирдэ: «Если истрадэса амэн, то бичяв амэн дро стадо балыче». 32
И Ёв пхэндя лэнгэ: «Джян!» И кэдэ ёнэ выгынэ, загынэ дрэ балычендэ; и, эна, саро
стадо балыче чюрдыяпэ крэнтонэ бэргатыр дро морё и тасадыя дро паны. 33 А
лэнгирэ ракхибнарья49
унашнэ и, кэдэ явнэ дро форо, роспхэндлэ пал саро, и пал
дова, со кэрдяпэ манушэнца, савэн лынэ бэнга. 34 И, эна, саро форо выгыя про
дром ко Иисусо; и кэдэ ёнэ удыкхнэ Лэс, манглэ Лэс, соб Ёв тэ уджял лэнгирэ
пхувьятыр.
9 Тэдэ Ёв бэштя дрэ лодка, пирикэдыяпэ прэ вавир строна и явья дрэ Пэскиро
форо. 2 И, эна, ёнэ яндлэ кэ Ёв манушэс розмардэс про васта и про ґэра, кай исыс
пашло прэ пасиндлы. И Иисусо, кэдэ дыкхья лэнгиро патябэн, пхэндя насвалэскэ:
«На дарпэ, Миро чяво, простинэнпэ тукэ тырэ грэхи». 3 И эна, савэ-то лылваритка
пхэндлэ дрэ пэстэ: «Ёв чювэл пэс прэ Дэвлэскиро штэто». 4 О Иисусо жэ джиндя со
исыс лэндэ прэ годы и пхэндя: «Соскэ тумэ думинэн фуипэн пал Мандэ дрэ пэскирэ
47 О рандля (авторск.) - "о норы”.
48 Рипирибнытко ґанык (дык: баруны ґанык)
49 Ракхибнарё (пастарё) - мануш, кай ракхэл бакрэн, грэн и адякэ дурыдыр прэ фэлда
(пастухо).илэ? 5 Со жэ локхыдыр, тэ пхэнэл: "Простинэнпэ тырэ грэхи, или тэ пхэнэл: "Ушты и
джя?” 6 "Нэ, соб тумэ тэ джинэн, со Манушытконэ Чявэстэ исы власть прэ пхув тэ
простинэл о грэхи”», - тэдэ Ёв ракирэл насвалэскэ: «Ушты, лэ пэскири пасиндлы и
джя кхэрэ». 7 И ёв уштыя и гыя кхэрэ. 8 Кэдэ жэ мануша удыкхнэ адава, лэн лыя
дар, и ёнэ лынэ тэ славинэн Дэвлэс, Кай дыя манушэнгэ адасави власть.
9 И кэдэ Иисусо гыя одоцыр, Ёв удыкхья манушэс, кай исыс бэшто дрэ налогово
балуны, пиро лав Матфеё, и пхэндя лэскэ: «Джя пал Мандэ слядоса». И ёв уштыя и
гыя пал Лэстэ слядоса. 10 И кэдэ Иисусо исыс бэшто пало скаминд дро кхэр, эна,
явнэ бут налогэнгирэ скэдыбнарья и одолэ, кон кэрлас о грэхи и бэшнэ Лэса и
Лэскирэ сыклякирдэнца. 11 Нэ кэдэ удыкхнэ адава фарисеи, лынэ тэ ракирэн
Лэскирэ сыклякирдэнгэ: «Соскэ тумаро Сыклякирибнарё хал одолэнц var container = document.getElementById('nativeroll_video_cont'); if (container) { var parent = container.parentElement; if (parent) { const wrapper = document.createElement('div'); wrapper.classList.add('js-teasers-wrapper'); parent.insertBefore(wrapper, container.nextSibling); } }
