Приветствую Вас, Гость! Регистрация RSS

Информационный цыганский сайт!

Пятница, 29.03.2024

34 Фарисеи жэ, кэдэ ушундлэ, со Ёв закэрдя саддукеенгиро муй, скэдынэпэ кхэтанэ.

35 И ек лэндыр, лылваритко, соб тэ испытынэл Лэс, спучья: 36 «Сыклякирибнарё,

саво Напхэныбэн дро Законо о барыдыр?» 37 О Иисусо жэ пхэндя лэскэ: «"Кам

78 Или «цезарёскэ».Яхвас, тырэ Дэвлэс, сарэ тырэ илэса, и сарэ тырэ душаса, и сарэ тырэ годяса”. 38

Адава перво и о барыдыр Напхэныбэн. 39 Второ жэ адасаво сыр перво: "Кам тырэ

ближнёнэ манушэс, сыр кокоро пэс”. 40 Прэ адалэ дуй Напхэныбэна рикирэлпэ саро

Законо и Припхэныбнарья».

41 Кэдэ жэ скэдынэпэ фарисеи, Иисусо спучья лэндыр: 42 «Со тумэ думинэн палэ

Христосостэ? Конэскиро Ёв чяво?» Ёнэ ракирэн Лэскэ: «Давидоскиро». 43 Ёв

ракирэл лэнгэ: «Сыр жэ Давидо, кэдэ дрэ лэстэ исыс Дэвлэскиро духо, накхарэл Лэс

Раса, и ракирэл: 44 "Пхэндя Яхва мирэ Раскэ: "Бэш пир Миро право вас, пока Мэ на

чювава Тырэ вэргэн Тукэ тэло ґэра”? 45 Адякэ, если Давидо накхарэл Лэс Раса, сыр

жэ Ёв тэдэ Лэскиро чяво?” 46 И никон на можындя тэ пхэнэл Лэскэ дро ответо ни

лав, ни паш; и одолэ дывэсэстыр ни конэстэ бутыр ужэ на ухтылэлас муршыпэн тэ

спучел Лэстыр. 

23 Тэдэ Иисусо лыя тэ ракирэл манушэнгэ и Пэскирэ сыклякирдэнгэ 2 и

пхэндя: «Лылваритка и фарисеи залынэ Моисеёскиро штэто. 3 Пал адава саро, со

ёнэ тумэнгэ припхэнэна тэ кэрэн, кэрэн и на отоджян адалэстыр; нэ пир лэнгирэ

рэнды на кэрэн, пал дова со ёнэ ракирэн, и на кэрэн. 4 Ёнэ спхандэн барэ пхарипэна

и чювэн лэн манушэнгэ про псикэ, а кокорэ на камэн и ангуштэса79

 тэ лэнпэ пал

лэндэ. 5 Сарэ пэскирэ рэнды ёнэ кэрэн ваш одова, соб лэн тэ дыкхэн мануша: ёнэ

буґлякирэн о коробкицы лылорэнца, кай начиндлэ о штэты Чиныбнэндыр, и кэрэн

длэнгыдыр э бахрома прэ пэскиро уриабэн. 6 Ёнэ камэн тэ бэшэн прэ штэты ваш

манушэнгэ дрэ бари патыв и англатунэ штэты дро синагоги 7 и соб мануша тэ бандён

ангил лэндэ патывалэс про тарги, и тэ кхарэн лэн: "Равви! Равви80

!” 8 Тумэ жэ на дэн

тэ накхарэн тумэн равви, пал дова со тумэндэ ек Сыклякирибнарё - Христосо, а тумэ

сарэ - пшала. 9 И пэскирэ дадэса на накхарэн ни конэс прэ пхув, пал дова со

тумэндэ ек Дад, Кай про болыбэн. 10 И сыклякирибнарьенца на дэн пэс тэ накхарэн,

пал дова со тумэндэ ек Сыклякирибнарё - Христосо. 11 О барыдыр машкир тумэндэ

мэ явэл тумэнгэ писхарёса. 12 Пал дова со кон ґаздэлапэ дрэ пэскирэ якха, явэла

обмэкно, а кон обмэкэла пэс, явэла ґаздыно.

13 Хасибэн тумэнгэ, лылваритка и фарисеи, хоханэ, со закэрэн ангил манушэндэ

Болыбнытко Царство, пал дова со тумэ кокорэ на заджян, и одолэнгэ, кон камэл тэ

заджял, на дэн. 14 Хасибэн тумэнгэ, лылваритка и фарисеи, хоханэ, со хан

пхивленгирэ81

 кхэра и хоханэс длуго мангэнпэ: пал дава тумэ одолэса бутыр

явэна сэндякирдэ.

15 Хасибэн тумэнгэ, лылваритка и фарисеи, хоханэ, со обджян о морё и пхув, соб тэ

порискирэл хоть екхэс дрэ тумаро патябэн, и кэдэ адава тумэнгэ удэлапэ, тумэ кэрэн

лэстыр манушэс, кай мол о адо, дуйвар бутыр тумэндыр.

16 Хасибэн тумэнгэ, корорэ лыджяибнарья, савэ ракирэн: "Если кон совлахала

кхангирьяса, ада ничи, нэ если кон совлахала кхангирьякирэ совнакаса, то ёв должен

тэ кэрэл пирэ совэл”. 17 Дылынэ и корорэ! Со барыдыр: совнакай, или кхангири, кай

кэрэл совнакай святонэса? 18 И инкэ: "Если кон совлахала жертвенникоса, ада ничи,

нэ если кон совлахала дыипнаса, кай прэ лэстэ, то ёв должен тэ кэрэл пирэ совэл.”

19 Дылынэ и корорэ! Со барыдыр: дыипэн или о жертвеннико, кай кэрэл о дыипэн

святонэса? 20 Пал дава кон совлахал жертвенникоса, совлахал лэса и сарэса, со

прэ лэстэ. 21 И кон совлахал кхангирьяса, совлахал ласа и Одолэса, Кон дживэл дрэ

79 Ангуш/ангушта (бистырдо романо лав) - "о пальцо/о пальцы”.

80 Равви (пуранэ еврейсконэ чибатыр) "Миро сыклякирибнарё”.

81 Пхивлы (бистырдо романо лав) - "вдова”.латэ. 22 И кон совлахал болыбнаса, совлахал Дэвлэскирэ троноса и Одолэса, Кон

бэшто прэ лэстэ.

23 Хасибэн тумэнгэ, лылваритка и фарисеи, хоханэ, со дэн дэшто чясть мятатыр,

укропостыр и тминостыр, нэ ачявэн со бутыр мол дро Законо - чячюно сэндо,

лачипэн и патябэн; адава чебино исыс тэ кэрэн, и одова тэ на ачявэн. 24 Корорэ

лыджяибнарья, кай промэкэн через сито комарос, а схан верблюдос!

25 Хасибэн тумэнгэ, лылваритка и фарисеи, хоханэ, со тумэ жужакирэн о тахтая и о

чярэ аврястыр, тэдэ сыр андрал ёнэ пхэрдэ откэдынэ миштыпнаса и

насрикирибнаса. 26 Короро фарисеё, выжужакир англыдыр о тахтая и о чярэ

андрал, соб ёнэ тэ явэн жужэ и аврястыр.

27 Хасибэн тумэнгэ, лылваритка и фарисеи, хоханэ, со тумэ подджян прэ

парнякирдэ ґаныка82

, кай аврястыр сыкадён гожонэнца, а андрэ ёнэ пхэрдэ

мулэнгирэ кокалэнца и сарэ магирипнаса. 28 Адя и тумэ аврястыр сыкадён ангил

манушэндэ чячюнэнца, а андрэ пхэрдэ хохаибнаса и дошэнца.

29 Хасибэн тумэнгэ, лылваритка и фарисеи, хоханэ, со тумэ вымарэн барунэ

ґаныка83

 припхэныбнарьенгэ, кэрэн гожыдыр припхэныбнарьенгирэ рипирибнытка

ґаныка 30 и ракирэн: "Явасас бы амэ дрэ амарэ дадэнгирэ дывэса, то амэ на

прочювасас бы лэнца припхэныбнарьенгиро рат”. 31 Адякэ тумэ ракирэн против

пэстэ и приґалён, со тумэ сан одолэнгирэ чявэ, кон умарлас припхэныбнарьен. 32 Со

ж, дочювэн тумарэ дадэнгири мера.

33 Сапа, сапытка чявэ, карик тумэ кэрнапэ сэндякирибнастыр про адо? 34 Пал

адава, эна, Мэ бичявав кэ тумэ припхэныбнарьен, и годьварэн, и лылваритконэн; и

конэс-то лэндыр тумэ умарна и казнякирна про трушыл, а конэс-то лэна тэ марэн

чюкненца дрэ пэскирэ синагоги и тэ традэн форостыр дро форо, 35 и тэ явэл прэ

тумэндэ саро чячюнэ манушэнгиро рат, кай исыс прочюдо прэ пхув, чячюнэ

Авелёскирэ ратэстыр кэ Захарияскиро рат, Варахияскирэ чявэскиро, савэс тумэ

умардэ машкир кхангири и о жертвеннико. 36 Чячипэн ракирав тумэнгэ: саро адава

явэла прэ адава поколениё.

37 Иерусалимо, Иерусалимо, кай умарэс припхэныбнарьен и помарэс барэнца

одолэн, кон исыс бичядо кэ ту! Кицык молы Мэ камьём тэ скэдав тырэ чявэн, сыр

каґны скэдэл пэскирэ каґнорьен тэл пэскирэ пхака, и тумэ на закамнэ! 38 Эна,

тумаро кхэр ачькирдо тумэнгэ чюрдынэса. 39 Пал дова со ракирав тумэнгэ: тумэ на

удыкхэна Ман кэ кана, ангил одова, сыр пхэнэна: "Тэ явэл благословено Одова, Саво

джял дрэ Раскиро лав!”».

24 И, кэдэ Иисусо выгыя кхангирьятыр, гыя дурыдыр; и подгынэ кэ Ёв Лэскирэ

сыклякирдэ, соб тэ сыкавэл Лэскэ кхангирьякиро аврятуно кэрибэн. 2 Ёв жэ

пхэндя лэнгэ: «Дыкхэн саро адава? Чячипэн ракирав тумэнгэ: на ачелапэ адай бар

про бар; саро явэла роспхагирдо».

3 Кэдэ жэ Ёв исыс бэшто прэ Маслинэнгири бэрга, подгынэ кэ Ёв о сыклякирдэ

екджинэ и спучнэ: «Пхэн амэнгэ, кэдэ ада явэла, и пир саво знако амэ ґалёваса, со

Ту явьян и свэтоскиро концо подъявья?»

4 О Иисусо пхэндя лэнгэ дро ответо: «Ракхэнпэ, соб ни кон тэ на спэнтынэл тумэн! 5

82 Парнякирдэ ґаныка - Ко евреи исыс обычяё кажно бэрш тэ парнякирэл ґаныка, соб ёнэ тэ

явэн дыкхнэ, и соб лэн локхыдыр явэлас тэ латкхэл, пал дова со пирэ Моисеёскиро Законо

мануша, савэ чиладэ ґанык, дрэ савьятэ исыс гарадо муло, заджянас дро магирипэн.

83 Барунэ ґаныка (авторск.) - евреи вымарэнас дро бэрги или кэрнас дро пещеры, кай ёнэ

гаравэнас пэскирэ мулэн.Пал дова со бут кон явэла Мирэ лавэса, и лэна тэ ракирэн: "Мэ сом Христосо”, и

бутэн спэнтынэна. 6 Тумэ ушунэна пало войны и о шуныбэна пало войны. Дыкхэн, на

трашан, пал дова со саро адава должно тэ кэрэлпэ, нэ адава инкэ нанэ о концо.

7 Пал дова со ґаздэлапэ народо про народо, и царство про царство; и дрэ ек штэто

пало вавир явэла бок, пхарэ насвалыпэна, и лэла тэ тринцкирдёл пхув. 8 Саро жэ

адава о начало мэнькэнгэ.

9 Тэдэ лэна тумэн тэ отдэн про мэньки и тэ умарэн тумэн; и сарэ народы на лэна тэ

камэн тумэн пал Миро лав. 10 И тэдэ бут кон отоджяла патябнастыр, и лэна тэ

придэн ек екхэс, и ек екхэскэ кэрнапэ вэргэнца. 11 И сыкадёна бут хоханэ

припхэныбнарья, и бутэн спэнтынэна. 12 И пал одова, со лэна тэ барьён бидэвлытка

рэнды, бут дрэ конэстэ шылёла камлыпэн. 13 Нэ кон вытэрдёла ко концо, одова

зракхэлапэ. 14 И адава Лошало Лав пало Царство явэла розлыджино пир саро

свэто, соб тэ ушунэн мануша сарэ пхувьендыр; и тэдэ явэла концо.

15 Адякэ, кэдэ тумэ удыкхэна одова, со брытко84

 Дэвлэскэ, пал саво исыс пхэндло

через припхэныбнарестэ Даниилостэ, тэрдо прэ свято штэто (кон гинэл, мэ полэл),

16 тэдэ одолэ, кон дрэ Иудея мэ нашэн дро бэрги; 17 и кон прэ крыша, мэ на

змэкэлпэ, соб тэ лэл со-нибудь пэскирэ кхэрэстыр; 18 и кон дрэ фэлда, мэ на рисёл

кхэрал, соб тэ лэл пэскиро уриабэн. 19 Горё пхарьенгэ и одолэ джювленгэ, савэ лэна

тэ чяравэн колынэса дрэ одолэ дывэса! 20 Мангэнпэ жэ, соб тумэнгэ тэ на

приджялпэ тэ нашэл зимакиро или дрэ суббота, 21 пал дова со тэдэ явэла бари

бида, сави на исыс свэтоскирэ началостыр кэ адалэ дывэса и ужэ ни кэдэ на явэла.

22 И если бы на счинэнас одолэ дывэса, то на зракхэласпэ бы ни ек джидо мануш;

нэ ваш искэдынэнгэ явэна одолэ дывэса счиндлэ.

23 Тэдэ, если кон пхэнэла тумэнгэ: "Дык, Христосо адай!” или "Одой!” - на патян. 24

Пал дова со сыкадёна хоханэ христосы и хоханэ припхэныбнарья, и сыкавэна барэ

знамения и дивна рэнды, соб тэ спэнтынэл, если лэнгэ удэлапэ, и одолэн, кон исыс

искэдыно. 25 Эна, Мэ пхэндём тумэнгэ пал адава англыдыр. 26 Адякэ, если тумэнгэ

пхэнэна: "Дык, Ёв дрэ шукхи пхув”, - на выджян; "Дык, Ёв дрэ андратунэ штубы”, на

патян. 27 Пал дова со сыр блескавица сыкадёл про востоко и осветинэл саро ко

западо, адякэ жэ явэла кэдэ рисёла Манушытко Чяво. 28 Ведь кай явэла пашло

муло, одой скэдэнапэ о стервятники.

29 И екхатыр жэ после одолэ дывэсэнгири бида, о кхам мурдёла, и чён на дэла

пэскири яг, и о чергэня пэрна болыбнастыр, и болыбнаскирэ зорья стринцкирдёна. 30

И тэдэ про болыбэн сыкадёла Манушытконэ Чявэскиро знамениё; и тэдэ пхарэс

заровэна сарэ пхувьякирэ племёны и удыкхэна Манушытконэ Чявэс, Кай лэла тэ

джял прэ болыбнаскирэ облаки зорьяса и барэ славаса. 31 И Ёв бичявэла Пэскирэ

ангелэн тэл громко шынгэскиро85

 звуко, и ёнэ скэдэна одолэн, кон исыс искэдыно

штарэ балвалендыр, екхэ болыбнаскирэ краёстыр ко вавир.

32 Лэн вашо примеро инжирно брэза: кэдэ лакирэ рандя ячен ужэ ковлэнца и прэ

лэндэ сыкадён о патриня, то тумэ джинэн, со сыго явэла лынай. 33 Адякэ, кэдэ тумэ

удыкхэна саро адава, джинэн, со Ёв пашыл, ко дара. 34 Чячипэн ракирав тумэнгэ: на

проджяла адава поколениё, сыр саро адава кэрлапэ. 35 Болыбэн и пхув проджяна,

84 Евреи накхарэнас брыткимаса чиндлэ (каштэстыр, барэстыр и адякэ дурыдыр) дэвлэн,

савэнгэ бандёнас мануша дро пураныпэн. Припхэныбнарё Даниило накхардя адякэ алтарё,

чюдо дэвлэскэ Зевсоскэ, адалэса магирдэ чячюнэ Дэвлэскири Кхангири и одой пириячнэ тэ

служынэн Дэвлэскэ. Кхангири кэрдяпэ пусто и зачюрдыны.

85  Шынг (бистырдо романо лав) - "рого: (адай) труба”.нэ Мирэ лава на проджяна.

36 Пал одова жэ дывэс и одоя кунь ни кон на джинэл: ни болыбнытка Ангелы, ни

Чяво, а только ек Миро Дад. 37 Нэ, сыр исыс дрэ Ноёскирэ дывэса, адякэ жэ явэла

кэдэ рисёла Манушытко Чяво. 38 Пал дова со сыр дро дывэса ангил одова, сыр барэ

паня зачюдэ сари пхув, мануша ханас и пьенас, лэнас пэскэ ромнен и выджянас

пало ром, кэ одова дывэс, сыр Ноё загыя дро ковчего, 39 и ёнэ на задуминэнаспэ,

пока на явнэ барэ паня и на хаськирдэ сарэн, адя явэла и дро дывэса, кэдэ рисёла

Манушытко Чяво. 40 Тэдэ дуйджинэ явэна дрэ фэлда: ек явэла лыно, а вавир

ачькирдо. 41 Дуй джювля лэна тэ роскхосэн колосья прэ вастытко мельница: ек

явэла лыны, а вавир ачькирды. 42 Адякэ, джингадён и дыкхэн якхэнца, пал дова со

на джинэн, дрэ сави кунь явэла тумаро Рай.

43 Нэ джинэн ек: если бы джинэлас кхэрэскиро хулай, дрэ сави кунь явэла чёр, то на

засовэлас бы и на дэлас бы чёрэскэ тэ прокэдэлпэ дрэ пэскиро кхэр.

44 Пал адава и тумэ явэн готова, пал дова со дрэ сави кунь тумэ на думинэн, явэла

Манушытко Чяво.

45 Кон жэ чячюно и годьваро писхарё, савэс лэскиро хулай чюдя прэ пэскирэ

кхэритконэ бутярнэндэ, соб ёв тэ дэл лэнгэ о хабэн дро времё? 46 Бахтало адава

писхарё, если лэскиро хулай, кэдэ явэла, удыкхэла, со ёв адя и кэрэл! 47 Чячипэн

ракирав тумэнгэ: ёв чювэла лэс тэ дыкхэл пал саро пэскиро хулаибэн.

48 Если жэ адава холямо писхарё пхэнэла дрэ пэскиро ило: "Миро хулай инкэ нанэ

сыго явэла” 49 и лэла тэ марэл кхэритконэ бутярнэн и тэ хал и тэ пьел

матымарьенца, 50 то явэла адалэ писхарёскиро хулай дро дывэс, дрэ саво ёв на

ужакирэл, и дрэ кунь, пал сави ёв на джинэл, 51 и стырдэла лэстыр цыпа чюкняса86

,

и кэрла лэса одова жэ, со и хоханэнца; одой ёв лэла тэ ровэл и тэ счинэл о данда.

25 Тэдэ Болыбнытко Царство лэла тэ подджял прэ дэшэ раклендэ, кай лынэ

о светильники87

 и выгынэ тэ встретинэн женихос. 2 Пандж жэ лэндыр исыс

дылынинька, а пандж — годьварэ. 3 Дылынинька лынэ пэскирэ светильники,

нэ на лынэ пэса ксил. 4 Годьварэ жэ, кхэтанэ пэскирэ светильникэнца, лынэ и

о ксил дро душлэ. 5 О женико зарикирласпэ, и ёнэ сарэ засутнэ. 6 Нэ дрэ

пашрат роздыяпэ годла: "Эна, о женихо джял! Выджян лэс тэ встретинэн” 7 Тэдэ

сарэ одолэ раклорья уштынэ и подкэрдэ пэскирэ светильники. 8 Дылынинька жэ

пхэндлэ годьварэнгэ: "Дэн амэнгэ набут тумарэ ксилэстыр, а то амарэ светильники

мурдён”. 9 А годьварэ пхэндлэ дро ответо: "О ксил амэнгэ на ухтылла ваш пэскэ и

ваш тумэнгэ. Джян фэдыр ко бикныбнарья и кинэн пэскэ”. 10 Кэдэ жэ ёнэ гынэ тэ

кинэн, явья о женихо, и одолэ, савэндэ исыс саро, загынэ лэса про бьяв, и о дара

пал лэндэ закэрдэпэ. 11 Тэнчя явнэ и авир раклорья, кай ачнэпэ, и пхэндлэ: "Рай,

рай, откэр амэнгэ!” 12 Ёв жэ пхэндя дро ответо: "Чячипэн ракирав тумэнгэ: мэ на

джинав тумэн”.

13 Адякэ, джингадён и дыкхэн якхэнца, пал дова со на джинэн ни дывэс, ни кунь, дрэ

сави явэла Манушытко Чяво.

14 Пал дова со Царство подджял прэ екхэ манушэстэ, кай скэдэласпэ тэ традэл дрэ

вавир пхув и скхардя пэскирэ писхарьен и ачькирдя прэ лэндэ пэскиро миштыпэн. 15

И екхэскэ ёв дыя пандж таланты, авирэскэ дуй, а тритонэскэ ек, кажнонэскэ пир

Rambler's Top100