86 (лав дро лав) «и росчингирла лэс про дуй чясти».
87 Светильнико - ада исыс кило напхандлэ прэ лэстэ тряпкэнца, савэ исыс прокинькирдэ дро
ксил.лэскири годы; и сыго утрадыя. 16 Одова, конэскэ дынэ пандж таланты, екхатыр жэ
гыя, мэкья лэн дро рэндо и закэрдя инкэ пандж таланты. 17 Ак адя жэ одова, конэскэ
дынэ дуй таланты, закэрдя инкэ дуй. 18 А одова, конэскэ дынэ ек таланто, гыя и
выґанадя дрэ пхув ґанык и гарадя пэскирэ хуласкирэ руповэ ґаспря.
19 Прогыя бут времё, и явэл одолэ писхарьенгиро хулай и мангэл лэн тэ отгинэлпэ
ангил лэстэ. 20 И одова, конэскэ дынэ пандж таланты, явья и яндя инкэ пандж, и
пхэндя: "Рай, ту дыян мангэ пандж таланты; дык, мэ закэрдём лэнца инкэ пандж”. 21
Лэскиро хулай пхэндя лэскэ: "Мурш баро!” Ту лачё и чячюно писхарё. Ту санас
чячюно, кэдэ тутэ дро васта исыс набут, мэ чювава тут барыдырэса; мэ радо пал
тутэ, и ту радынпэ манца. 22 Тэнчя явья одова, конэскэ дынэ дуй таланты, и пхэндя:
"Рай, ту дыян мангэ дуй таланты. Дык, мэ закэрдём лэнца инкэ дуй”. 23 Лэскиро
хулай пхэндя лэскэ: "Мурш баро! Ту лачё и чячюно писхарё. Ту санас чячюно, кэдэ
тутэ дро васта исыс набут, пал адава мэ чювава тут барыдырэса; мэ радо пал тутэ, и
ту радынпэ манца.
24 Явья и одова, конэскэ дынэ ек таланто, и пхэндя: "Рай, мэ джиндём, со ту жестоко
мануш: счинэс, кай на чювэсас дрэ пхув, и скэдэс, кай на росчювэсас, 25 и мэ
дарандыём, гыём и гарадём тыро таланто дрэ пхув; эна тукэ тыро”. 26 Лэскиро жэ
хулай пхэндя лэскэ дро ответо: "Холямо и кашвало писхарё! Ту джиндян, со мэ
счинав, кай на чювавас дрэ пхув, и скэдав, кай на росчювавас, 27 пал адава ту
должен был тэ мэкэс мирэ руповэ ґаспря дро рэндо, и мэ, кэдэ рисёвавас, лавас бы
пэскиро закэрибнаса.
28 Адякэ, закэдэн лэстыр о таланто и отдэн одолэскэ, конэстэ исы дэш таланты. 29
Пал дова со кажнонэскэ, конэстэ исы, явэла дыно бутыр, и лэстэ явэла пхэрдыпэн; а
одолэстыр, конэстэ нанэ, явэла отлыно и одова, со лэстэ исы. 30 А адалэ кашвалэ
писхарёс вычюрдэн аври дро тёмныма: одой ёв лэла тэ ровэл и тэ счинэл о данда”.
31 Кэдэ жэ Манушытко Чяво явэла дрэ Пэскиро барипэн и сарэ свята ангелы Лэса,
тэдэ Ёв бэшэла прэ пэскиро троно дрэ Пэскиро барипэн. 32 И скэдэнапэ ангил Лэстэ
сарэ народы; и Ёв роскэрла лэн ек екхэстыр, сыр ракхибнарё роскэрэл бакрен
бузнэндыр88
. 33 И чювэла бакрен пир право вас Пэстыр, а бузнэн - пир лево.
34 Тэдэ Царё пхэнэла одолэнгэ, кай пир право вас Лэстыр: "Явэн, благославенна
Мирэ Дадэса, прилэн о Царство, кай скэрдо англыдыр ваш тумэнгэ одолэ
дывэсэстыр, кэдэ исыс кэрдо о свэто. 35 Ведь Мэ сомас бокхало, и тумэ дынэ Мангэ
тэ похав; Мэ сомас трушало, и тумэ дынэ Мангэ тэ попьяв; Мэ сомас дро дром, и
тумэ прилынэ ман; 36 Мэ сомас нанго, и тумэ уридэ Ман; Мэ сомас насвало, и тумэ
дыкхэнас пал Мандэ; Мэ сомас дро старибэн, и тумэ явнэ кэ Мэ”. 37 Тэдэ чячюнэ
мануша пхэнэна лэскэ дро ответо: "Рай, кэдэ амэ дыкхьям Тут бокхалэса, и
начярадям или трушалэса, и дыям Тукэ тэ попьел?” 38 Кэдэ амэ дыкхьям Тут дро
дром, и прилыям Тут или нангэса, и уридям Тут? 39 Кэдэ амэ дыкхьям Тут
насвалэса, или дро старибэн, и явьям кэ Ту? 40 И Царё пхэнэла Лэскэ дро ответо:
"Чячипэн ракирав тумэнгэ: адя сыр тумэ кэрдэ адава екхэскэ Мирэ тыкныдырэ
пшалэндыр, то тумэ кэрдэ адава Мангэ”.
41 Тэдэ Ёв пхэнэла и одолэнгэ, кон пир лево вас Лэстыр: "Джян мандыр, проклята,
дрэ яг, кай на пириячела тэ хачёл вэкэнца, сави росхачкирдэ бэнгэскэ и лэскирэ
ангелэнгэ. 42 Ведь Мэ сомас бокхало, и тумэ на начярадэ Ман; Мэ сомас трушало, и
тумэ на дынэ Мангэ тэ попьяв; 43 Мэ сомас дро дром, и тумэ на прилынэ Ман; Мэ
88 Дрэ Палестина дывэсэ бакря и бузнэ (козлы) ракхэнаспэ дрэ ек стадо, нэ прэ рат лэн
роскэрнас ек екхэстыр.сомас нанго, и тумэ на уридэ Ман; Мэ сомас насвало и дро старибэн, и тумэ на явнэ
кэ Мэ”. 44 Тэдэ и ёнэ пхэнэна лэскэ дро ответо: "Рай, кэдэ амэ дыкхьям Тут
бокхалэса, или трушалэса, или дро дром, или нангэса, или насвалэса, или дро
старибэн, и на послужындям Тукэ?” 45 Тэдэ Ёв пхэнэла лэнгэ дро ответо: "Чячипэн
ракирав тумэнгэ: адя сыр тумэ на кэрдэ адава екхэскэ адалэ тыкныдырэндыр, то
тумэ на кэрдэ адава Мангэ”. 46 И ёнэ джяна про вечна мэньки, а чячюнэ манушэнгэ
рэсэлапэ вечно джиипэн”.
26 Кэдэ Иисусо пириячья тэ ракирэл сарэ адалэ лава, то пхэндя Пэскирэ
сыклякирдэнгэ: 2 «Тумэ джинэн, со через дуй дывэс явэла Патради, и Манушытконэ
Чявэс отдэна, соб Лэс тэ казнякирэн про трушыл».
3 Тэдэ скэдынэпэ о барыдыр рашая и лылваритка и патывалэ пхурэ дрэ барыдырэ
рашаскири грэда, савэс кхардэ Каиафа, 4 и сракирдэпэ тэ ухтылэл Иисусос
хэнтрымаса и тэ умарэл. 5 Нэ ракирдэ: «Только нанэ дро свэнко, соб тэ на выґадэл
манушэн».
6 Кэдэ жэ Иисусо исыс дрэ Вифания, дрэ Симоноскиро кхэр, кай исыс гэрало, 7
подгыя кэ Ёв джювлы алебастровонэ пирьяса, дрэ сави исыс дрого кучкхандуно ксил,
и лыя тэ чювэл лэс Лэскэ про шэро, кэдэ Ёв исыс бэшто пало скаминд. 8 Кэдэ
Лэскирэ сыклякирдэ удыкхнэ адава, то росхолясынэ и ракирдэ: «Кэ со адасаво
срикирибэн? 9 Ведь адава ксил можно исыс тэ бикнэл пал барэ ловэ и тэ роздэл лэн
чёрорэнгэ». 10 Кэдэ Иисусо полыя адава, пхэндя лэнгэ: «Со тумэ ладжякирэн да
джювля? Ей кэрдя ваш Мангэ лачё рэндо. 11 Пал дова со чёрорэ сарэ дывэса явэна
тумэнца, а Мэ нанэ сарэ дывэса явава тумэнца. 12 Кэдэ ей чюдя адава кучкхандуно
ксил прэ Миро тело, ей скэрдя ваш Мангэ саро кэ одова дывэс, кэдэ Ман гаравэна.
13 Чячипэн ракирав тумэнгэ: кай тэ на розлыджялпэ Лошало Лав дрэ саро свэто,
явэла роспхэндло дро рипирибэн пал латэ и пал одова, со ей кэрдя”.
14 Тэдэ ек дэшудуендыр, савэс кхардэ Иуда Искариото, гыя ко барыдыр рашая 15 и
пхэндя: «Со тумэ дэна мангэ, если мэ придава Лэс тумэнгэ?» Ёнэ доракирдэпэ лэса
тэ дэл лэскэ трианда руповэ ґаспря. 16 И одолэ времёстыр ёв родэлас лачё дывэс
тэ придэл Лэс.
17 Дрэ перво жэ билондэ марикленгиро дывэс, подгынэ ко Иисусо о сыклякирдэ и
пхэндлэ: «Кай амэнгэ тэ каравас ваш Тукэ Патрадитконэ бакрорэс89
?» 18 Ёв пхэндя:
«Джян дро форо кэ адасаво-то и пхэнэн лэскэ: "О Сыклякирибнарё ракирэл: "Миро
времё подгыя; Мэ кэрава о свэнко кэ ту Пэскирэ сыклякирдэнца”». 19 О сыклякирдэ
кэрдэ, сыр напхэндя лэнгэ Иисусо, и карадэ Патрадитконэ бакрорэс.
20 Кэдэ жэ наячья бывэль, Ёв бэштя пало скамин дэшудуе сыклякирдэнца. 21 И кэдэ
ёнэ ханас, Ёв пхэндя: «Чячипэн ракирав тумэнгэ: ек тумэндыр придэла Ман». 22
Тэдэ ёнэ дриван помэкнэ о шэро и кажно лэндыр лыя тэ ракирэл Лэскэ: «Ведь ада
нанэ мэ, Рай?» 23 Ёв жэ пхэндя дро ответо: «Кон обмэкэл Манца о вас дро чяро,
одова придэла Ман. 24 Хотя, Манушытко Чяво уджял, сыр пал Лэстэ начиндло, нэ
горё одолэ манушэскэ, кай придэла Манушытконэ Чявэс! Явэлас бы фэдыр адалэ
манушэскэ тэ на бияндёл». 25 Тэдэ и Иуда, кай скэдыяпэ тэ придэл Лэс, пхэндя:
«Ведь ада нанэ мэ, Равви?» О Иисусо ракирэл лэскэ: «Ту кокоро адава пхэндян».
26 И кэдэ ёнэ ханас, Иисусо лыя маро и благословиндя, роспхагирдя лэс и дыя
сыклякирдэнгэ и пхэндя: «Лэн, хан: ада Миро тело». 27 И Ёв лыя тахтай и
89 Патрадитко бакроро (лав дро лав) - «Патради» (адалэ лавэса накхарэласпэ сыр кокоро
свэнко, адякэ и главно Патрадитко хабэн - запэтиндло киркэ чярьенца бакроро или
бузноро).поблагодариндя Дэвлэс, подыя лэнгэ и пхэндя: «Пьен лэстыр сарэ. 28 Пал дова со
ада Миро Рат, Нэвэ Доракирибнаскиро Рат, кай прочювэлапэ пал бутэ манушэндэ,
соб тэ отмэкэнпэ о грэхи. 29 Нэ ракирав тумэнгэ: Мэ на лава бутыр тэ пьяв лолы
бравинта винограднонэ лозатыр, кэ одова дывэс, кэдэ Мэ лава тэ пьяв тумэнца нэви
лолы бравинта дрэ Мирэ Дадэскиро Царство». 30 И, кэдэ ёнэ збагандлэ шарибнытко
гилы, гынэ прэ Маслинэнгири бэрга.
31 Тэдэ Иисусо ракирэл лэнгэ: «Дрэ адая рат тумэ сарэ ачявэна Ман, сыр начиндло:
"Хаськирава пастарёс, и разнашэнапэ стадоскирэ бакря». 32 Кэдэ жэ Мэ уштава
мулэндыр, джява англыдыр тумэндыр дрэ Галилея». 33 О Пётро пхэндя Лэскэ дро
ответо: «Дажэ если сарэ ачявэна Тут, мэ ни кэдэ на ачявава Тут!» 34 О Иисусо
пхэндя лэскэ: «Чячипэн ракирав тукэ: адалэ ратяса, ангил одова, сыр пробагала
башно, ту тринвар отпхэнэсапэ Мандыр». 35 О Пётро ракирэл Лэскэ: «Дажэ если
мангэ приджялапэ тэ мэрав Туса, мэ на отпхэнавапэ Тутыр». И сарэ сыклякирдэ
ракирдэ одова жэ.
36 Тэнчя Иисусо явья лэнца дро штэто, кай накхарэласпэ Гафсимания, и ракирэл
сыклякирдэнгэ: «Побэшэн адай, пока Мэ джява одорик и помангавапэ». 37 И лыя
Пэса Пётрос и дуе Зеведеёскирэ чявэн, и дриван помэкья о шэро и Лэскэ ячья пхаро.
38 Тэдэ Иисусо ракирэл лэнгэ: «Выджял мандэ о ило, ажно ко мэрибэн; аченпэ адай
и на совэн, сыр и Мэ нанэ суто». 39 И, кэдэ Ёв отгыя набут англэ, пыя прэ пхув тэлэ
моса и лыя тэ мангэлпэ: «Миро Дадо, если можынэ адякэ тэ кэрэлпэ, мэ проджял
мамуй мандэ адава тахтай; нэ, нанэ сыр Мэ камам, а сыр Ту камэс».
40 И явэл ко сыклякирдэ и латхэл лэн сутэнца, и ракирэл Пётроскэ: «Неужто ек кунь
тумэ на можындлэ тэ на засовэн, кэдэ Мэ на сомас суто?» 41 На совэн и мангэнпэ,
соб тэ на слыджян тумэн ко грэхо. Духо зорало, нэ маса бизорьякирэ. 42 Палэ, дрэ
второ моло, Ёв отгыя и лыя тэ мангэлпэ: "Миро Дадо, если на можынэла адава
тахтай тэ проджял мамуй Мандэ, соб Мэ тэ на пьяв лэс, то мэ исджялпэ Тыри воля”.
43 И Ёв палэ явэл и латхэл лэн сутэнца, пал дова со лэндэ соибнастыр закэрдэпэ
якха. 44 И, кэдэ Ёв ачькирдя лэн, отгыя палэ и помангьяпэ дрэ трито моло и пхэндя
одолэ жэ лава. 45 Тэдэ явья кэ Пэскирэ сыклякирдэ и ракирэл лэнгэ: «Тумэ вся ещё
пашлэ и откхынён? Эна, кунь подгыя и отдэна Манушытконэ Чявэс дро васта
манушэнгэ, кай кэрэн о грэхи. 46 Уштэн, гыям: эна, одова, кон Ман придэла, ужэ
пашыл. 47 И, кэдэ Ёв инкэ ракирдя, эна, явья Иуда, ек дэшудуендыр, и лэса бут
мануша меченца и килэнца, кай исыс бичядэ барыдырэ рашанца и патывалэ
пхурэнца.
48 О здыипнарё доракирдяпэ лэнца пало знако и пхэндя: «Конэс мэ чямудава,
Одова и исы, ухтылэн Лэс». 49 И екхатыр жэ ёв подгыя ко Иисусо и пхэндя: "Яв
бахтало, Равви!” И чямудя Лэс. 50 О Иисусо жэ пхэндя лэскэ: «Друго, палсо ту
явьян?» Тэдэ подгынэ и ухтылдэ Иисусос и причюдэ кэ Ёв халадэн. 51 И эна, ек
одолэндыр, савэ исыс Иисусоса, протырдыя о вас и вытырдыя пэскиро мечё и, кэдэ
дыя барыдырэ рашаскирэ писхарёс, отчингирдя лэскэ о кан. 52 Тэдэ Иисусо ракирэл
лэскэ: "Чюв палэ пэскиро мечё прэ лэскиро штэто, пал дова со сарэ, кон лэла о мечё,
мечёстыр и хасёна. 53 Или ту думинэс, со Мэ на можынав акана тэ умангав Мирэ
Дадэс, соб Ёв тэ бичявэл Мангэ бутыр дэшудуе легионэндыр ангелы?” 54 Сыр жэ
тэдэ исджянапэ Чиныбэна? Адякэ должно тэ явэл! 55 Дрэ одоя кунь Иисусо пхэндя
манушэнгэ: «Сыр-будто прэ розмарибнарестэ тумэ выгынэ меченца и килэнца тэ
ухтылэн Ман; кажно дывэс Мэ сомас бэшто тумэнца и сыклякиравас дрэ кхангири, и
тумэ на лэнас Ман. 56 Саро жэ адава кэрдяпэ, соб тэ исджянпэ припхэныбнарьенгирэ чиныбэна». Тэдэ сарэ сыклякирдэ ачядэ Лэс и унашнэ.
